اللسان المربوط

شو قصة مايا دياب ولسانا القصير ؟

حضرتوا الڤيديو اللي طلعت فيه مايا عم تخبرنا ببدايتو وتقول
” أنا لساني قصير “؟

عادةً منحكي هي الجملة كمديح لكن اللي حكت عنو مايا كان بعيد عن المعنى المجازي هيي حكت عن حالة طبية شائعة و فعلا موجودة عندها واللي منسميها “اللسان المربوط “‼️

أصدقاء مايا أخذوا الموضوع ك fun fact عن مايا لكن نحنا رح نحكي بالتفصيل عن هي الحالة الطبيّة👌🏽

🔵ماهو اللسان المربوط ؟

اللسان المربوط هو حالة موجودة عند الولادة تقيد نطاق حركة اللسان لأداء وظيفته بشكل جيد .

متل ما شفنا أصدقاء مايا دياب بالفيديو كان قادر لسانن يوصل لكل أجزاء الفم تقريبا واللي هي الحالة الطبيعية ..يلا جربوا انتوا كمان 🌚

أما باللسان المربوط بكون عنا مشكلة باللجام اللساني فقد يكون قصير جداً ومضيقاً او يكون متصلا بالقرب من طرف اللسان
🔆ملاحظة ( لجام اللسان هو الامتداد الصغير للنسيج اللي بيربط الجانب السفلي من لسانك بأسفل الفم )

بالنسبة للبعض مابتكون مشكلة كبيرة على مايبدو مايا ما عانت من مشاكل حتى ما عالجتو وهيي صغيرة ..
بس بالنسبة للآخرين يمكن أن تؤدي إلى:
🔴 مشاكل بالرضاعة الطبيعية

🔴 وبوقت لاحق ممكن تؤثر على الأكل والتحدث

🔴 وقد تتداخل مع القدرة على إصدار أصوات معينة التي تتطلب رفع اللسان متل “ر” “ز” “س” “ش” “ذ” “ل”

🔴يمكن أن يساهم بتسوس الأسنان والتهاب اللثة نتيجة صعوبة إزالة بقايا الطعام من الأسنان

🔴 تكوين مسافة بين الأسنان الأمامية السفلية

🔴تحديات مع بعض الأنشطة الشفوية مثل لعق الآيس كريم ،لعق الشفاه، العزف على آلة النفخ

🔵يا ترى في علاج؟

لا يتفق جميع الأطباء على أن اللسان المربوط يحتاج للعلاج ف البعض بفضل الانتظار لأنه ممكن ما يسبب أي مشاكل والبعض الاخر بفضل التدخل بالعلاج على الفور
العلاج هو إجراء جراحي بسيط لتحرير اللجام .

● إعداد وتحرير :لما اسماعيل شجاع
● المصدر العلمي :https://www.webmd.com/children/tongue-tie-babies
Webmed
مسابقة ميددوز

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .

مواضيع صحة الاسنان والفم