هل أحمر الشفاه كمنتج ضار بالشفّة

لما نقول سيرين عبدالنور والهيبة أول شي منذكرو الحمرة الحمرا 💄 والضجة الظريفة اللي عملتها ..

و كلنا كبنات منستخدم أحمر الشفاه تقريبا يوميا 👄 ع الجامعة والمشاوير وأحيانا منجرب بالبيت 💆💅 ..

طبعا لا شك أنو الحمرة تشكّل أهم جزء في نظام المكياج والجمال عنا وبدون لون الحمرة المناسب بتنقص جاذبية وجهنا .. لـَـكـن❕

⚠️هل أحمر الشفاه كمنتج ضار بالشفّة .. وشو مخاطرو ..وكيف ممكن نحمي شفاهنا ؟!؟ .. يلا نحكي ..

⛔ بدايةً .. لازم نعرف أنو الحمرة تسرّع شيخوخة الجلد حول الفم و تزيد ظهور التّجاعيد .. خصوصي الصبايا اللي ببالغو برسم الشفة «الكونتور» على حساب الجلد «هي أسرار بس يلا معلش😂»..

⛔ وتؤدي أيضا لتغير لون الشفة نحو الغامق .. نظرا لاحتوائها على مواد كيميائية سيئة جدا متل ‼

[ #الرصاص/ #مواد حافظة/ #روائح صناعية/ #البتروكيماويات “#نفط يعني😈” ] … ينجم عنها …
{حساسية/ سرطانات🙂/ سميّة لإلنا ولبشرتنا وللبيئة ككل}

وغيرها الكتير من المواد المؤذية لمجرد ملامسة الجلد ما بالكن أنو أحيانا مناكل حمرة✌🙂

💋 لهيك لازم نتبع عدة إجراءات مهمّة جدا يا جميلات💋

1💄 الاستخدام العادل ..مرة باليوم ..لمدة لا تتجاوز أربع ساعات «مو كل شوي تجددي وتعلمي».

2💄 استخدام ماركات معروفة والابتعاد عن المنتجات الرخيصة.

3💄 وضع طبقة من المرطب قبل الحمرة إجراء سليم ومفيد جدا.

4💄 ينصح باستخدام الالوان الفاتحة والابتعاد عن الغوامق «بلاها حركات سيرين كل يوم ».

5💄 استخدام مزيل مكياج جيد والتخلص من كامل آثار الحمرة ..لا تنامي فيها 💔.

6💄 تقشير الشفة والجلد حولها مرتين بالأسبوع «ماسكات ومقشرات منزلية».

7💄 نحاول قدر الإمكان نخلي الحمرة للمناسبات «بعرف هالحكي صعب بس يعني نحاول» ..

📛و الأهم
⭕تجنّب الحامل لاستخدام الحمرة تماما .. لما تحويه من مواد ضارة على الجنين⭕

صح الجمال بدو تضحية 💔 .. بس مو بالصحة 💔

إعـــداد و تحـريـر : د.آيَــة معــن محمـود.
المصــدر:
https://www.hergamut.com/side-effects-of-using-lipst
مسابقة ميددوز

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .

مواضيع صحة الاسنان والفم