🌸برحلة هنية خرجت هالبويضة مغندرة😋
و راحت من الطريق الطويل ( البوق ) مش متل ما ابوها مخبّرا
و لما الليل خيّم بدروبا💔
احلوّت بعين كل نطفة مسرعة
يتسابقو مين رح يحظى بحبّهَا
و ياويلي شو انغرّت وقتَها😌
📌بدي ياه صحتو تمام و بوجه واحد صادق و حنون و يقاتل مشاني و يكون الوحيد بحياتي
و لما لاقت هالصفات قدر يخترق حصنها🏋♂
ركض فيها وييييي زتو حالن بالرحم عششّت بجدارو
و نمت ثمره حبّها
حب و حب و حب حتى تباركت القصة بروح من رب العالمين جنين صغير و أول شي صار وقتها خلق القلب و بلشت الحكاية❤️
⛔️بين الاسبوع السادس و السابع صوت بعيد من جوا
دُم دُم دُم سمعانتيني ياحنونة ؟هدول دقات قلبي عم يقلولك بحبك🙊
⛔️لسا مافيي اسمعك منيح منيح للاسبوع ٢٤
وقتا بيصير فيي ميّز صوتك كل ماتحكي رح اعمل رفسة بهالرجل يلي مشتاقة تاكليا مع سيريلاك بعرف😂
📌احكيلي قصص و حتى احكي لغات و سمعيني موسيقا لاتعود عليهون مشان بس اطلع ما حسون غريبين عليي و صعبين و رح تلاحظي اني رح كون بحبون😋
ماعم نيمك انا اسف خلي بابا يسهر معك و ماعاد يشخّر عم يصرعني
📌و صيري مسديلي ع بطنك انتي و بابا لان عم حس فيكون و المس ايدكون من جوا هالشي بيبدا من لما صير المس حالي و جدار البطن هيييك ليكتمل احساس اللمس عندي بالاسبوع 28 🥰
📌تغذي منيح ياقلبي تطمني انا صرت اعرف ابلع هي الشغلات يلي عم تسبح عندي و اكول من الغذا يلي بهالحبل السري عبيلي بطونك اكل صحي لان حاسة التذوق تبعي بلشت تكبر و يلي بتاكليه رح كون بحبو بس اولد هاد سر بينا🙊
📌اي و كمان لقلك شغلة انا عم اعمل نونو وين ماكان 🙊عم درّب جهازي البولي ع هالشي مشان بس اطلع ناطرنا كتير خناق لاتعلم وين اعمل نونو 😋
بعد كل هالرواق و إذذذ وضعيتي عم تتغير بس والله مابعرف ليش يعني شو العبرة يصير راسي بالمقلوب لتحت لك امي.؟سمعانتيني ولوووه عتم هون رجعيني لايمت بضل هيك؟ 😩
و فجأة بعد ما كان قلبك ضاممني و المعدة عم تسمعني نغماتا هالبحر يلي عم اسبح فيه عليّت موجاتو
و ضرب الرعد و البرق و اشتدت اصواتو
ماما عم تصرخ و قلبا زادت دقاتو💔💔
عضلات الرحم عم تتقلص و تدفشني يبدو ماعاد مرحّب بزوّارو
من الرعبة اختفى حسي
و من بعيد طريق عم يفتح بوابو
عنق الرحم عم يتوسع و ايد انمدت جواتو
و بالكف استقبلوني و دموعي ملّو عيوني🥺
و لما بكيت دخلت اول ريح من عطرك
لجوات رئتي و صحيت
مو تاري صار وقت اللقا و فارق رحمك و كحّل عيوني فيكي يانعمتي💙
لهيك انقلبت عيشتي جوا🥺 و بعد اول ضمة ع صدرك صار اسمي الرسمي ابن قلبك المدلل❤️
حب و سعادة لقلوبكم من قلبي انا
د ميار صالح 💙(إعداد و تحرير)
المصدر https://bit.ly/3qEN4l6
مــــيددوز ~ مـــــصدرك للـــــمعلومات الـــــطبية الــــــموثوقة 🛡
(ميددوز)
وينو بوست المتلازمة تبع القلب