كتير أغاني تغنت بالقهـوة و ربطتها بكل قعدة حلوة ..
قعدة العتب و قعدة المحبة و قعدة الصبح ..
و باليــوم العـالمــي للـقهــوة ؛ حابين نردلها هالمحبة و نحكي عن المشروب يلي مرافقنا بكل خطوات حياتنا !
☕- عزيزنا مُحب القهوة بدنا نبشرك أنك أقل عرضة للإصابة بمرض السكـري من النمط الثاني و مرض باركنسون و الخرف .
☕- مو بس هيك ؛ سُجِل عند محبي القهوة عدد أقل من حالات الإصابة ببعض أنواع السرطــان (متل سرطان بطانة الرحم و سرطان البروستات و سرطان الثدي و سرطان الجلد كما و شملت دراسات أخرى سرطان القولون و المستقيم) .
☕- القهوة العادية تحتوي على الكافييــن يلي ممكن أنو يرفع ضغـط الـدم لهيك مننصح مريض الضغط بتجنبها .
ومن ناحية تانية القهوة منزوعـة الكافييـن لها نفس فوائد القهوة العادية.
☕- عزيزتي عاشقـة القهوة ؛ منذكرك أنو القهوة بتحوي على الكثير من مضــادات الأكســدة و هالشي بخلينا أحياناً نستخدمها بماسكـات البشـرة و حفلات العناية قبل المناسبـات !
☕- لما يعصبوك/ي الولاد حط/ي فنجان القهوة و روق/ي لأن تبين أن القهوة بتقلل مخاطر اضطرابـات القلـب لدى الرجال و النساء ؛ و بتقلل خطر الإصابة بالسكتـات الدماغيـة عند النساء .
☕- و طبعاً الاعتـدال بشرب القهوة مفيد و مطلوب لأن شرب كميات كبيرة من القهوة رح يـزيد ضربات القلب و يأدي لغثيان و قلق و توتـر لهيك ينصح بشربها بانتظام و اعتدال !
بهالمناسبـة السعيـدة .. احكيلنا مع ميـن بتحب تشـرب فنجـان قهوتك اليومـي ؟! ❤
✒» إعــداد و تحريــر : د. بشــرى الأسعـــد
مــــيددوز ~ مـــــصدرك للـــــمعلومات الـــــطبية الــــــموثوقة 🛡
(ميددوز)