👶🏻 كلهن كانوا عم يسألوكِ ايمت رح تفوتي بشهرك وتجيبيلنا هالملاك بقى وكنت وحدي أسمع نبضات قلبك كيف تتسرع وهوي ناطف على جيتي وكيف أفكارك تروح وتجي بدك ياني بحب وشوق وبنفس الوقت خوف ، خوف وقلق كبيرين ..
👶🏻 بس الله يسرها يا ماما وبهداك اليوم قلبت راسي وبلش الرحم يعيد تنفيذ يلي تعلمو من قبل كيف يتقلص وكيف يدفعني لبرا .. هالمرة التقبضات مؤلمة ومتكررة ومنتظمة عم تفتح البيت وعم تسحبني من رجليي لراسي وتقلي يلا حان وقت اللقاء ❤️
👶🏻 عنق الرحم يلي كان كل الوقت مسكر فتح ونزلت منو هالسدادة يلي كانت مغطايتو .. هاد الأحمر البني يلي شفتيه نزل منك .. صرتي تحسي أنك قادرة تاخدي نفس أكتر لأنو راسي الضاغط ريحلك صدرك ونزل يضغط بغير مكان !
عم أضغط هلق على أمعائك لهيك ممكن يصيبك إسهال .. رح يوجعك ضهرك أكتر ورح يصير معك وجع يذكرك بوجع دورتك الشهرية .. والأهم آلام المخاض رح تبدا ورحلة الولادة رح تخبرك أنو هلق صار وقت الجد !
👶🏻 كلشي فيكِ تغير حتى أقدر أخلق ❤️
حوضك بكلشي فيه عضلات ، أربطة كلو ارتخى واتوسع !
الله العظيم مصمملي راسي حتى يتراكب ليقدر يطلع من خلال اليوافيخ .. تخيلي ماما !
الهرمونات بجسمك بلشت تتعاضد حتى تساعد كمان .. البروستاغلاندين عم يفتح عنق الرحم .. الأوكسيتوسين عم يقبض الرحم .. الريلاكسين عم يلين العنق ويمددو ويطق مية الراس لأنزل والأندروفين يا خطيتو لحالو عم يحاول يخفف ألمك ويساعدك لتقدري تكملي هالمهمة الصعبة 💔
👶🏻 الدكتور معك عم يراقب طلعتي وعم يساعدك تساعديني أطلع وهلق قنبزت راسي وبكم حركة منو أنا طلعت …
الصرخة الأولى .. أنا هون يا ماما وأخيراً أنا جنبك هلق
عم أصرخ أمي بدي ياكي بدي حضنك بدي المسك وحس فيكِ وأسمع قلبك حتى بهاللمسة هي أنا بساعد هرمونات جسمك لتكوني أنتِ بخير وأنا كمان !
هاللمسة هي بتحرض هرمونات البرولاكتين والاوكسيتوسين لينتج الحليب ويطلقو !
وهاللمسة هي بتهديكِ وبتساعدك على أنك تخلصي من ولادة المشيمة ومن أنو يرجع رحمك لطبيعتو بشكل أسرع وأسهل !
👶🏻 كلشي عم أحكيه هلق صار ذكرى يا ماما وعلى قساوتو ومرّو نسيتيه .. نسيتيه لأنك حنونة لأنك من روح الله خلقتي من رحم ألمك أمل ❤️
وهي ضحكتك ودمعتك سوا وبوستك الدافية ونبضات قلبك المحبة كلها بتخبرك وبتخبر الكل قديشك عظيمة وصح أني هلق ما فيي أحكي ولبعدين بنسى .. بنسى كيف تعبتي فيي بس صدقيني بكل ندا أمي بكون عم خبرك أني بحبك
بحبك كتير ❤️
كنت معكم سَماح صالح محمد ♥️
وبالسلامة والعافية والحب لكل الأمهات الحوامل .. كونوا متفائلين بولادة يسيرة وبحب رح ينسيكم كل ألم 🙏🏻
(سماعة حكيم)
مصدر المعلومات العلمية :
https://www.pregnancybirthbaby.org.au/what-happens-to-your-body-in-childbirth
Samah Saleh Mohammad
❤
طريقة إيصال المعلومة بروح الدعابة ولا أجمل من هيك
غروب صحتك نعمة للاستشارات الطبية عبر الفيس بوك
https://www.facebook.com/groups/2559079277529316/?ref=share
” #تطبيق سماعة حكيم” أصبح متوافراً على متجر غوغل بلاي Google Play
https://play.google.com/store/apps/details?id=itland.doctor
حمّله الآن
قناتنا على التيلغرام للمعلومات الطبية
سماعة حكيم
طريقك إلى المعلومة الطبية الصحيحة
https://t.me/sammahhakim
لا تنسوا تحملوا #تطبيق سماعة حكيم
حلو هالبوست لأم على وش ولادة ♥️
لاتنسوا تحملوا #تطبيق سماعة حكيم للاستفادة من خدماتنا والإجابة على استفساراتكم عن #اللقاح
قناة سماعة حكيم على التيلغرام
لكل ما يهم الأطباء والصيادلة (فرص عمل و أخبار…)
https://t.me/samma3a
قناتنا على اليوتيوب
https://youtube.com/channel/UCoHj1COSXjczUOdjxJEG01w
https://t.me/MedAware
اسلوبك رائع جدا