الرئيسية / كهرباء وإلكترونيات / تحويلة من الباوربانك للراوتر ماحدا طلب رأيك أثناء تصفحك لل

تحويلة من الباوربانك للراوتر ماحدا طلب رأيك أثناء تصفحك لل



تحويلة من الباوربانك للراوتر..
ماحدا طلب رأيك
أثناء تصفحك للفيسبوك أكيد سبق ومر معك الدارة اللي بالصورة تحت
المعروفة باسم تحويلة باوربانك ل راوتر
ومتل مابيقول أحد كبار المعلمين في الإلكترونيات..لاتشغلها، فكها
فكينا كتير من التحويلات السابقة وطلعنا بنتائج سريةرح نشاركها معكم

ب قلب التحويلة موجود الدارة المتكاملة MT3608
الدارة السابقة بتشتغل كدارة رفع جهد، وهاد شي منطقي بما أنو خرج الباوربانك خمسة فولط
ودخل الراوتر 9 أو 12 فولط /D-Link, TP-Link, ASUS/

الدارة بتقبل دخل من 2 ولغاية 24 فولط
بقلب الدارة موجود ترانوستور موسفت، الشيء اللي بيقلل مكونات دارة الرفع النهائية، لهيك حجمها صغير
يضاف إلى ذلك انو الدارة بتشتغل على تردد 1.2 ميغاهرتز، الشيء اللي بيصغر مكثفات الخرج وملف الخرج بدارة الرفع

حلو، شو رأيكم الإيجابي فيها؟
1-الحجم الصغير
2-بتلبي غرض
3-رخيصة

غريبة، أول مرة بتمدحوا بشغلة
لأ، للأمانة النا تعليقات عليها، شي بيخص التحويلة، وشي بيخص الدارة المتكاملة

فيمايخص التحويلة ف واضحة..جودتها..جداً..قليلة..وبتفرط بلاماتفكها

أما الدارة المتكاملة ف تعليقين صغار
واحد، الترانزستور بقلب الدارة المتكاملة ذو مقاومة Rds(on) بتساوي 80 ميللي أوم، فاذا راوترك كذا انتيل ومصروفو عالي الدارة بتسخن منيح وممكن ماتكفيك
تنين، وإن كان تعليق رح ننلام عليه، بس فعالية الدارة عند الرفع من 5 فولط ل 12 فولط تقريباً 91.8 بالمية ع حمل نص أمبير
ماتفهمونا غلط، كفاءة عالية وجيدة، ولكن الكفاءة بتزيد عند الرفع من 9 فولط مثلاً

شو يعني كفاءة؟
كفاءة يعني الطاقة اللي دخلت عالدارة قديش طلعت، مثلاً دخل 1 واط، طلع 0.91 واط بحالتنا مع هاي الدارة وعند الرفع من خمسة فولط

تعليق أخير
الوصلة مقبولة، بدفاترنا منعطيها 6 من 10 برياحة، صح مو عملية لأنو شحن الباوربانك بطيء ومابيلحق يعبي بساعة بس بتقضي غرض

مع تحيات فريق سايبرترون سوريا