في خيارات ل تبييض الاسنان ؟
أي في ومو بس وحدة او تنين
خلونا نعرفهم سوا :
معاجين الاسنان المبيضة :
بتحتوي على مواد كاشطة ومنظفة بشكل اكبر من معاجين الاسنان العادية وممكن ينتج عنها تبييض الاسنان درجة ل درجتين
شرائط و جل التبييض :
هيه طبقة رقيقة من مادة التبييض محطوطة على شريط يتم وضعه على الاسنان او منطبقها ك جل على الاسنان بواسطة فرشاة برضو بتبيض الاسنان درجة او درجتين بالكتير
مضامض التبييض :
غسولات فموية بتحتوي على نسبة من مادة التبييض بتاخد وقت كتير حتى تبين نتائجها “٣ شهور ” و بتبييض ب درجة وحدة او درجتين
قوالب التبييض المنزلي :
الطريقة الاكثر استخداما حاليا هيه بتجي عن طريق قوالب منحط فيها المادة المبيضة بتركيز معين حسب الحالة و بتعطي نتائج خلال ايام معدودة وبتعمل تبييض كمان من درجة لدرجتين
التبييض بالعيادة او كما متداول التبييض الليزري :
التبييض بالعيادة ميزته الكبيرة انه بتم تطبيق تراكيز عالية فيه ضمن العيادة وتحت اشراف الطبيب وهاد الشي بيعطينا نتائج ملحوظة فورية خلال ٣٠ ل ٦٠ دقيقة بس و حسب خطة الطبيب عند تكرار العملية يعطينا نتائج اكتر
في اثار سلبية لكل طريقة ؟
اي نعم في وهاد الشي رح نحكي عنه ببوست منفصل قريبا
– إعـداد : د. عشتار نعامه
– المصـدر الـعلمي :
Tooth whitening : what we know – pubmed
“ رابط المصدر بالتعليقات ”
منظمـة مـيددوز ~ مصـدرك الموثـوق للمعلومـة الطبيـة
منصة صحة الفم السورية
مواضيع صحة الاسنان والفم