تتحرش بي … و أنا أتجاهلها…
تعرض علي مغرياتها… فأدير وجهي و ألتفت عنها..
أقول لها اتركيني بحالي لا أريدك… و لكنها تأبى إلا و أن تدخل في حياتي ليل نهار…
ينصحني من حولي بأن أغتنم هذه الفرصة و أستجيب لطلباتها و مغرياتها… و لكني أرفض النصيحة… فأنا لا أقترب ممن يعمل فيها كل الرجال ..
إنها الطاقة الشمسية… 😁
تذكرني بأغنية عبد الحليم حافظ ( الرفاق حائرون… يفكرون… يتسائلون ) و لكن ليس (حبيبتي من تكون ) إنما ( كم لوح يحتاجون) و ( كم الكلفة ستكون) .
بصراحة مليت من الأسئلة و أصابني الانزعاج من طريقة الأسئلة .
الأغلبية يسأل عن الكلفة و كأن الطاقة الشمسية عبارة عن بطاطا و جزر موجود في الدكان و يسأل عن سعره…
أو يسأل و كأني اشتغل آلة حاسبة مجانية في التكية السليمانية ..
أو كأني شهبندر التجار و أعرف البضائع و الأسعار ..
و ما يغيظني الأسئلة على الخاص:
– أستاذ… لدي براد و مروحة وشاشة و ماشا … كم يلزمني ألواح و بطاريات…
الجواب : يلزمك الدب ليتحمل غلاظة ماشا.
أو :
أستاذ ..كم تكلف الطاقة الشمسية ؟
الجواب: اشتري شمسية و افتح فيها طاقة… تكلفك ألفي ليرة.
.
سأكتفي بعرض المعلومات العلمية و الفنية و التقنية ..و عرض الأخطاء و المشاكل المتداولة في هذا المجال…أما الماركات و الأنواع و الأسعار فأعتذر عن الإجابة عن أي سؤال عنها.
.
الله يقويك يارب
الله يعنيك استاذنا الغالي شو بدك تساوي هيك طبع الناس
استاذ خليك بعيد
خيار موفق
لان يلي رح تشوفو بهامجال رح يخليك تشيب
استغلال وبيع كلام ع الفاضي و المليان ونصب
كلامي عن قلة من الناس ولا اقصد التعميم ولا الاساءة
الطاقة الشمسية هي الكذبة الكبيرة (طبعا المنتشرة بالأسواق )..أو إبرة البنج
صاحب الحاجة أرعن كما قال أسلافنا
والشعب كله بحاجة للكهرباء
رزقك الله الصبر وطولة البال أستاذ م.منذر سالم
حالياً ضارب البلد تسونامي الطاقة الشمسية شي عم يبيع وشي عم يشتغل فيها ويستفاد وشي عم يشتري ويركب والأخير عم يسأل ويستفسر وصاحبني عم يشوف هالصفحة فيها معلومات كتيرة وأستاذ كبير ومبلش فيه أسئلة بقى الله يعينك ع هالعلقة(ماإلك غير ترد عليها هي وزائرتي كأن بها حياء فليست تزورني إلا بالظلام )
حسبنا الله ونعم الوكيل