🚩سلسلة الأغذية الرمضانية
ثمار التمر وفوائدها
أوّل يوم بالشهر الفضيل 😍…
وبعد الصلاة وقراءة القرآن الكريم ع المغرب…
اجت الحنونة وفرشت السفرة وأكدت عليك يا ضناها تكسر صيامك وتبلش افطارك ب 3 حبّات من التمر وبعد وقت بسيط تبلش تاكل من هالسفرة اللذيذة…
دايماً الحنونة على حق❤️
بس ياحزرك ليش لازم تبلش بالتمر؟
هون بيجي دور الميددوز يخبرك عن فوائد هالثمرة العظيمة
التمر منعتبروا من الوجبات الخفيفة و الصحية يلي يفضل عالصائم تناولها على الإفطار لكتير أسباب منها :
🌙 التمر بيعطي الجسم الطاقة يلي بيحتاجها بعد ساعات الصيام الطويلة المرهقة اله وهالشي طبعاً بفضل احتوائه على نسبة جيدة من السكريات البسيطة.
🌙 وكمان هوي خفيف بفضل احتوائه على الفيتامينات و المعادن، هيك هوي بيفرز عصارات هضمية بتساعد على تهيئة المعدة لاستقبال الطعاااام وتعزيز عملية الهضم.
🌙 ومو بس هيك كمان هوي بيحتوي الكثير الكثير من الألياف يلي بتحفز على شعور الشبع والامتلاء حتى ما تضطر تتقل بالاكل وتاكل ماهب ودب عالطاولة🙄 لانك بوقتا رح تتعب من كتر الأكل (الأكل مو الك، بطنك مو إلك؟؟)
ولنكون كريمين ونجي ع اختصاصنا بيتوجب علينا نخبركن على وجه الخصوص فوائد التمر على الأسنان:
🌙 التمر بيحتوي على عنصر الفلور يلي بساعد على حماية السن من النخور، وكمان بيدعم ميناء الأسنان وبقويها وهاد لأنو بيحوي كميات من الفيتامينات و الحديد و الكالسيوم و النحاس و المغنيزيوم و الفوسفور و و و.. الخ
🔰وطبعاً لازم ننتبه عالكمية لأن كلشي بزيد عن حدو بيقلب ضدو🙄 فخلونا نكتفي ب 3 حبات من التمر يومياً.
ومن الميددوز منقلكم صياماً مقبولاً و إفطاراً شهياً❤️❤️
▪️إعداد وتحرير: د. زينة سليمان يوسف
▪️المصدر العلمي: cleveland clinic & daily medical information
🚩اعـتماد : ” مِنصَّـة صِحـة الـفَم السوريَّـة – MedDose ”
المتخصصة بنشر كُل ما يتعلق بطب الأسنـان والصحـة الفمويـة ومُحاربة المُعتقدات الطبيـة الخاطئـة .
مواضيع صحة الاسنان والفم