🚩التضحية التي يقدمها البشر في فصل الربيع 💔 !!
بفصل الربيع بتبلش تتفتح هالأزهار والفراشات تشتغل شغلها، ونحن منبلش معهم بهالحساسية والرشح 💔
كل هاد كرمال النباتات تتزاوج .. شفتو أديش الإنسان منبع التضحية ..
شو هي الحساسية بهالفصل ؟
الحساسية هي رد فعل بيعمله جسمنا على مواد محددة (متل رحيق الورد ) و بيعتبره مُضر حتى لو هي مش مضرة و عهالاساس بياخد خطوات و اساليب دفاعية معينة ليحمي حاله و نتيجة لهالشي بيظهر عوارض متل:
📍الشعور بالتقرّص في الفم، تورم الشفتين، اللسان، الوجه أو الحلق
📍الشرى (Urticaria) والتأق والحكة والطفح الجلدي والتورم في الوجه والكركرة والصفير وقت التنفس.
طيب شو في اجراءات وقائية بحمي حالي فيها من الحساسية؟ 🧐
فعلياً يا سيد راسي ما في شي وقائي واضح من الحساسية غير انك تبتعد عن الشي الي بتتحسس منو قدر الامكان لكن مضادات الحساسية متوفرة بكل الصيدليات و في حال حسيت انو وضعك مستعصي اكيد لازم تستشير طبيبك و تشوف خطة علاجية دوائية واضحة و خصوصي باوقات متل الربيع ..🙄
ما تستيهنوا بالحساسية لانها ممكن اذا زادت حدتها توصلك لاماكن تانية مش منيحة.
تضلوا بخير بالربيع و بكل الفصول🥰
اعداد: مريم نادر ياسين
اعتماد: منصة صحة الفم السورية -meddose
المتعلقة بنشر كل ما يخص طب الاسنان و صحة الفم و محاربة المعتقدات الطبية الخاطئة . ❤️
المصدر: https://www.webteb.com/dermatology/diseases/%D8%A7%D9%84%D8%AD%D8%B3%D8%A7%D8%B3%D9%8A%D8%A9
مواضيع صحة الاسنان والفم