🚩 عــرق الســوس علـى ضّـو الفانــوس !
بمجرد ما نذكر اسم عرق السوس بتخطرلنا الأجواء الرمضانية .. صوت الآذان و موعد الإفطار و فوانيس رمضان الحلوة 🥰
لذلك ضمن سلسلة الأغذيـة الرمضانيـة
اليوم مع الميددوز رح نعرف اكتر عن هالمشروب شو اصلو و ايمت بكون بفيدنا و ايمت بنوصل لمكان يضرنا‼️
⛔ بدايةً السوس هو عشب ينمو بأجزاء من أوروبا و آسيا و يستخدم أيضاً جذر هالنبتة :
( في علاج الأكزيما – التهاب الكبد – قروح الفم – وليضيف النكهة لبعض الأطعمة و المشروبات ومنتجات التبغ)
⛔ يُعتبر آمن لمعظم الناس لما بيتاخد ضمن الفم عن طريق الأطعمة وحتى اذا كان عالجلد بكون آمن ضمن جل او كريم ..
⚠️• بس الإفراط بكلشي قد ماكان منيح بيقلب مصدر ضرر !!
فالأشخاص اللي بيتناولوا التبغ المنكه بالسوس ؛ و بيشربوا شاي السوس ممكن يصير معهن ارتفاع بالضغط و ممكن طفح جلدي عند بعض الأشخاص ..
⚠️• وعنا تحذيــر خــاص وجداً هام‼️
تناول عرق السوس بفترة الحمــل مش آمن خالص ؛ ليه ؟!
⬅️ لأنه ( بزيد من خطر الولادة المبكرة و بزيد من خطر الإجهاض)
ومافي مصادر على أنو آمن للأم المرضعة لهيك الاحتياط واجب !
⛔ و بما أنو وباء ك*و*ر*و*نا محتل الكوكب وداخل بتفاصيل حياتنا كلها يا ترى شو موقفو من السوس‼️
بعض الخبراء وضحوا انو عرق السوس ممكن يتداخل مع استجابة جسمنا للفايروس !!
بس لسا مافي شي قوي بأكّد هالتحذير ولا شي ضدو لهيك فنحنا اذا منقدر نتّبع سبل الوقاية و نكون حذرين هوي الشي الأفضل !
و أخيراً منتمنالكم رمضان كريم و صيام مقبول و صحة جيدة على طول ❤️
وهلق صار وقت تخبرونا .. بتحبوا طعمته ولا من جماعة لا تخلوني شم ريحته ؟! 😬
▪️إعداد و تحرير : د. زهراء محمد النجار
▪️المصدر العلمي :https://wb.md/3wRngF2
🚩 اعتماد : ” منصة صحة الفم السورية – MedDose ” المتخصصة بنشر كل ما يتعلق بطب الأسنان والصحة الفموية ومحاربة المعتقدات الطبية الخاطئة .
مواضيع صحة الاسنان والفم