جدا|| بخصوص النقل المتماثل وتغيير الفرع ومشان اللي شهاد

🔴هام جدا|| بخصوص النقل المتماثل وتغيير الفرع ومشان اللي شهادتو قديمة وبدو يسجل عالمفاضلة

💥تغيير الفرع:
أول شي إذا بدكن تغيروا فرعكم لازم تحققوا 3 شروط
1️⃣أنو يكون الفرع بيطلعلكم هديك السنة
2️⃣أنو يكون الفرع بيطلعلكم هي السنة
3️⃣وإذا كان الفرع بدو مسابقة أو اختبار لازم تكونوا ناجحين فيها هديك السنة مافيكن تقدموها هي السنة(متل الهندسة المعمارية)

وما بهم إذا كنتوا ناجحين أو راسبين أو موقفين تسجيلكم، وما بهم إذا مسجلين موازي وبدكم تنقلوا عالعام

♻️أيمت ببلش تغيير الفرع؟
إذا بدك تغير فرعك عالعام لازم تستنى لتطلع المفاضلة التانية العام هي السنة وتشوف إذا الفرع بيطلعلك هي السنة وهديك السنة عالعام وقتها بتبلش باوراق النقل (الاوراق المطلوبة متل كشف علامات وموافقة عميد ومن هالحكي)
طبعا معك مهلة شهر من بعد ما تطلع المفاضلة التانية العام
ونفس المبدأ موازي بتستنى المفاضلة التانية الموازي وبتعمل نفس الخطوات…
هي تغيير الفرع باختصار

💥مشان اللي شهادتو قديمة وبدو يسجل عالمفاضلة:
كان كل سنة يطلع قرار أنو اللي شهادتو قديمة بحقلو يسجل عمفاضلتو (مثلا أنت شهادتك 2020 بحقلك تسجل بشكل مباشر عالفرع اللي بيطلعلك عام 2020 بالمفاضلة التانية)
بس للأسف آخر سنتين ما طلع هيك قرار وغير متوقع انو يطلع هالسنة بس دائما في أمل…

💥التحويل المتماثل:
إذا بدي أنقل من اقتصاد تشرين لاقتصاد طرطوس مثلا شو الشروط ؟
1️⃣أنو تكون مترفع وقتها فيك تنقل
2️⃣النقل من جامعة أم لجامعة أم أو من جامعة فرع لجامعة فرع وغير هيك مافيك
بس هدول الشروط
والنقل ببلش من 10/10 ل 11/11 للكليات التطبيقية والكليات النظرية ل 18/11
♻️ملاحظة خاصة للي رح ينقلوا لجامعة دمشق: هالسنة جامعة دمشق وضعت شروط للنقل إذا بدك تنقل ع جامعة دمشق ومنها انك تكون مرفع كل موادك وبيقبلوا عدد محدد لنقل الطلاب والقرار طلع بهالشي

بس هديك السنة كان تقريبا في شروط كمان بس طلع قرار بإلغاء كل الشروط وسمحوا لكل الطلاب تنقل ومنتمنى هالشي يصير هالسنة وخاصة مع صعوبة المواصلات بين المحافظات ووضع السكن الجامعي والمعيشة الغالية, وبتمنى يوصل هالصوت لجامعة دمشق لنكون مع الطلاب ما نكون عليهم💙
عند النسخ يرجى ذكر المصدر
ضياء ناصيف
Deaa Naseef