🔴هام جدا|| لايوجد دورة تكميلية أو ترفع إداري للطلاب ولا يوجد أي مبررات لإقامة دورة تكميلية أو ترفع إداري
من تصريح معاون وزير التعليم العالي
للمزيد من الأخبار الجامعية يمكنكم متابعة الجروب الجامعي👇
سنافر الجامعات السورية [دفعة 2022]
سوريانا التعليمية✅
مختلف
فعلا ما في ولا مبرر كلشي مأمن ..كهربا…مي…مواصلات ..المحاضرات ببلاش
الطلاب كلا قاعدة وماعم تشتغل و تدرس سوا
كلشي ممتاز ما في مبرر ❤❤❤
لا ابدا مافي مبررات
عايشين بسلام وأمان وكلشي مأمن والدكاترة شي على عيني اسئلتن ظريفة وبساعدو الطالب مافي مبررات ابدا ابدا عايشين عال24 وامورنا رواق☺
اي هو للامانة مافي مبررات ابدا يعني كلشي متوفر النا عيب نطلب تكميلي
لا تقيم ظروف الطلاب بظروف ولادك لأبصر ادي سارق حتى ما تحطلن مبررات ليطالبوا بتكمليلي او ترفع إداري
الله ياخذكم واحد واحد ونرتاح من مهزلتكم وعيملين حالكم عل أساس وزراء
لا نهائياً ماعنا مبررات ابداً ابداً بتاتاً
بس شو المبررات الي بياخدوها بعين الاعتبار ؟؟
ابداً مافي مبررات والله كل شيء متوفرنا اصلاً عيب علينا نطلب دورة تكميلية ونحنا ٢٤ ساعه كهربا والمواصلات شي بشهي وعايشين آخر رواق
ياجماعة بس فهوني شو علاقة المي والكهربا بالترفع الاداري والتكميلية
الوزير كان يدرس عضو الشمعة وليكو صار وزير
لأنو عنجد مافي بقلبهن رحمة ولا وجدان
شاطرين يعملو علينا قرارات وهنن اعدين ببيوتن وكلشي عم يوصلن
وقفتنا للساعات لنلاقي ركب لنوصل عالامتحان بعز الشوب مانو مبرر بنوب
قطع الكهربا وننحم بالشوب وتنعمى عيونا مو مبرر
يغلو حق الورق والطالب يا دوب يأمن شغل مشان يعيش ويجيب محاضرات لانو صارو مصروف وغيرهن ما بيقدرو يجيبو بيدرسو عالموبايلات مو مبرر
دكاترة يلي شايفه حالها ولا كأنو كانوا طلاب متلنا وعم يكسرو بالعلامات مو مبرر
شو المبرر بالله؟ انو اذا عملتو تكميلي رح يروح من وقتكن؟؟ ولا رح تتعبو بتصليح؟ ايي يمكن رح يروح عليكن مشوار البحر لا تواخذونا
بس لا سامحكم الله ولا عفا عنكم بحرقه قلب كل طالب عم يتعب ويروح بين رجلين من وراكن
لما جنابك عندك سيارتك المكيفه بتوصلك على مكتبك المكيف وبترجغك على بييتك يلي مابتعرف فيه شو يعني تدرس عضو الشمعه لان البطاريات يلي عندك ماشحنت ويلي مضطر تهوي فيه بكرتونه كرمال مافي مراوح ساعه بتقول مافي مبررات هزلت الله يعين هالشباب يلي بتدفعون بشتى الوسائل ليتركوا البلد
طبعا.. بدن اكبر قدر ممكن يستنفذو من الشباب والبنات مشان يقلبو موازي او الناس تسافر وبلحالتين دفع مصاري حق فيزا وتيكيت وقسط موازي
رفع الاقتصاد عحساب الطلاب
عم ادرس عفلاش الجوال ومفي مبررا
المحاضرات عم نعملا قياس صغير وتنعمى عيونا كرمال ما تطلع هديك البلفة ومفي مبررات
منطلع عالمادة قبل بساعة كرمال المواصلات ومفي مبررات
سيادتك قاعد بمكتب بالوزارة كلو تكييف وتحتك سيارة وكلو مأمنلك وعم تتفزلك ع هالعالم عطيني كرسيك ومعليك من الباقي
عنجد مافي اي مبرر.. الحمدلله كلشي متوفر عنا فوقا بدكن تعمللونا دورة تكميلية والله عيب علينا نطلب فوق يلي مقدميلنا ياه!!
شكرا كتير فضلتو ع راس هالطلاب ياعيب الشوم بس اذا بهاد الوضع ماساعتدو الطلاب ايمتا رح تساعدوهن
لا يوجد أي مبررات لإقامة وزارة التعليم طالما أنه لا يوجد تعليم
تضربو منكن لهيك قرارات موفرين كلشي للطلاب لانكن انعموا عيونا من ورا كهربتكن
الله لايسامحكن
اي صح مافي مبررات للدورة التكميلية
لان ما حاسس بقطع الكهربا
ولا حاسس بأزمة المواصلات
ولا حاسس بهالوضع يلي عايشينو
ولا حاسس بالطالب كيف عم يقدر يدرس بهالاجواء
لو عايش متل مو عايش الشعب كان قدم مبررات للطالب واقام دورة تكميلية بس للأسف…..
عنجد مافي مبررات الكهربا ٢٤ والسير مؤمن والحرارة معتدلة والمحاضرات سعرها عادي جدا والقاعات والمدرجات فيها مكيفات عنجد مافي مبررات
بربكون وحدة منون امانة والله اشتقنا انا فتت عالجامعة بطلو لتنين يصيرو الهي يصير ترفع اداري
مبررات شو ولك عيني لتكونوا عايشين بغير البلد يلي عايشين فيها
لا يوجد مبررات لانو هنن ما حاسين بالشعب و لا حاسين كيف عم تطلع عينو للطالب ليقدر يدرس بهيك عيشة لا كهربا و لا مي و حريق و كلشي غلا الله لا يوفقك ايمت كنت مع الطالب انت
تاسع و بكلوريا عندن كم مادة الن دورة تكميلية ..
بس طالب جامعة عندو بالسنة اكتر من 14 مادة مالو تكميلية !