حاسس في كائن بكرهو قاعد بدماغي بيضل يجبرني اعمل قصص غصباً ع

حاسس في كائن بكرهو قاعد بدماغي..بيضل يجبرني اعمل قصص غصباً عني..رح جن..

هاد.سيناريو خرج يكون فيلم رعب بامتياز..كيف لو تعرفو أنو نسبة ٣% من البشر عندهم وسواس قهري..يمكن انت منهم..

شو هو الوسواس القهري؟؟
مرض نفسي بيبلش تقريباً بفترة المراهقة وبداية البلوغ وبيستمر..وأغلب الحالات بتتأخر لتجي عالعيادات النفسية ممكن لسبب الخجل أو محاولة التغلب عالمرض بشكل ذاتي أو اللجوء للشيوخ والحجابات وهالقصص لاعتقاده أنه ممسوس بجني وهاد خطأ كبير💔

●شو أشكال الوسواس القهري؟
▪صور او أفكار كتير بسيطة وممكن تكون تافهة لأبعد حد وأنت ما بتقدر تشيلها من بالك ولا بأي شكل وبتأثر ع دراستك وعلاقاتك مع المحيط ممكن الكراش مثلا🙂

▪الإندفاعات القهرية🚫
وهي من الأخطر والأصعب مقاومة لأنها بتحاول تنتقل للفعل
في حالات بتوصل للرغبة بقتل شخص عزيز بلا سبب وأنت من جواتك بتعرف غلط وبتعيش بصراع رهيب وخوف من نفسك😣

▪النوع التالت وهو الأشيع وبيتمثل بتكرار تصرفات مثلا غسيل الإيدين أو التأكد من إغلاق البواب وهيك قصص موجودة تقريباً عند الكل بس بشرط تكون معتدلة

●شو الأسباب؟؟
•وراثية…أي أي في عائلات بتتوارث الوسواس القهري مو الأراضي والبيوت
•مشاكل اجتماعية لا يمكن حلها
•استعداد نفسي بالأصل عند الشخص
•التربية القاسية💔

●العلاج..دوائي وبينفع بأغلب الحالات بأشراف أطباء نفس مختصين
وعلاج سلوكي ممكن يدعم العلاج الدوائي بس أبداً مانو بديل عنو

🚫🚫🚫ملاحظة كتير مهمة..
كتير من الحالات أعترفت بطفولة قاسية بالبيت..ولهيك اتركو مساحة شخصية لاطفالكم واخلقوا حنية ومحبة بالبيت

شي تاني..ممنوع ممنوع تخويف الأطفال بالإله وجهنم وعذاب القبر والآخرة…بتخلق مشاكل نفسية كارثية عند الأطفال..
احكولهم عن الرب الجنة واتركوا العبادة بالحب مو بالخوف💜

متل العادة..كل مرة..أنا د. ماري نمنوم🖤

(سماعة حكيم)