مسافة أمان … ♥️
دائماً وأبداً خلِّي هالمسافة؛ لأنها رح تصون مشاعرك وصحِّة نفسيتك وحتّى أسنانك!!
أسناني !!… طيب كيف؟
⛔️ عن طريق حافظة المسافة 😌 :
⚠️ هيي جهاز يستخدم عند فقد الأسنان اللبنية قبل وقت سقوطها المعتاد إما نتيجة للإهمال أو لحادثةٍ ما ..
⚠️ ولإنو الجسم ما بحب يحس بالفراغ بالتالي عند فقدان سن بتحاول الأسنان المجاورة تميل وتتحرك لتملي هالفراغ..!!
⚠️ الهدف منها هو تأمين مسافة أمان لبزوغ السن الدائم الخلف بشكل مثالي وما يصير عنا ازدحام أو سوء إطباق (يعني مكانك محفوظ 😌 )…
⚠️ و هي تعتبر غير مزعجة ومريحة جداً للطفل ..
⛔️ أما عن خطوات إجراء هالحافظة فهي سهلة وبسيطة و غير جراحية أهم شي :
⚠️ بالبداية بتم إجراء صورة شعاعية لمعرفة وضع الأسنان.
⚠️ وبعدها بيقوم الطبيب بإجراء طبعة لأخذ القياسات المطلوبة و بتم صنع الجهاز بالمخبر.
⚠️ ومن بعدها بتم تطبيق الجهاز على الأسنان من قبل الطبيب.
⚠️ الجزء الأهم هو متابعة الحالة حيث أن إزالة الحافظة بتم عند بدء ظهور السن الدائم.
⛔️ أنواع حافظات المسافة كثيرة ولكل نوع استطبابات وحالات معينة.. ممكن تكون معدنية أو بلاستيكية، ثابتة أو متحركة :
⚠️ حافظة المسافة المتحركة (بتم تطبيقها بأوقات معينة )..
⚠️ الطوق والعروة.
⚠️ القوس اللساني.
⚠️ الضابط الوحشي.
⛔️ إذاً بعد كل يلي قريته فوق ما اقتنعت بضرورة اللجوء لحافظة المسافة بحجة إنو هالسن رح يبزغ هلق أو بعدين !!!!
فمنخبرك إنو عدم استخدام طفلك لحافظة المسافة وبالتالي ضياع مكان السن الدائم رح يسببلو هالشي انسلال و ازدحام بالأسنان وبالتالي الحاجة لتقويم الأسنان وتكاليف مادية أكبر …
🔰 وبالنهاية درهم وقاية خير من قنطار علاج…
وشوية اهتمام ممكن يجنِّب طفلك مشاكل كبيرة مستقبلاً…
من الميددوز كل الحب.. وتضلوا بخير ♥️ .
● إعداد : د. رشا هلال.
● تحرير : د. نوّار أبو حسن.
● التدقيق العلمي : د. ياسمين ذبيان.
● المصدر العلمي :
https://bit.ly/2V8Nq7I
https://bit.ly/3uIFYgr
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة.
مواضيع صحة الاسنان والفم