🚩 إليكِ سيدتي؛ أي شي بِزيد عن حدُّو … بيقلب ضدّو.
بعد ما حكينالكم عن الفيلر ومع المشاهد المرعبة يلي عم نشوفها كل يوم، صار لازم نقدملكم بوست بعنوان :
مضاعفات الفيلر
⛔ المضاعفات كتيرة، إما بتكون فوريّة بالساعات الأولى، أو مبكرة من اليوم الأول حتى اليوم 14، أو متأخرة من 14 يوم حتى السنة، وعلى رأس هذه المضاعفات :
🔰 الكدمات : يلي بتظهر بشكل فوري، تُخفف باستخدام كريمات فيتامين k، وتطبيق نصائح دكتورنا بعد العملية .
🔰 التورم [ #الوذمة ] : يلي بتتطلب مضادات التهاب لتخف .
🔰 فرط حساسية تجاه مكونات الفيلر : تحدث بحالات نادرة .
🔰 عدوى التهابية بتظهر على شكل التهاب حاد أو تكوين خرّاج ببعض الحالات .
🔰 ولأخد العلم .. حقن الفيلر ممكن أن تسبب إعادة تنشيط لعدوى فايروس الهربس .
🔰 العقيدات والكتل الالتهابية الحادة : وهي الحالة الأصعب وتتطلب تدخل جراحي للأسف 💔 .
⛔ أمّـا من الناحية الجمالية.. فإيّـاكِ والمبالغة بالحقن سيدتي …
⛔ وفي حال كان ولابد من هذا الإجراء التجميلي، اختاري الطبيب الصحيح العالِـم بشروط حقن الفيلر، ويلي بحددلك إذا كنتي بتحتاجي فيلر أو لاء …
⛔ اختاري دوماً المكونات الأقل ضرر ولاتنسي تتبعي التعليمات بدقة لحتى تحصلي ع نتيجة مرضية وغير مخيفة .
تبقوا بألف خير يا جميلات ❤ ..
● إعداد : د. زيـنة سليمان يـوسف .
● تحرير : د. آيـة معن محـمود .
● التدقيق العلمي : د. أسماء سيد سليمان .
● المصدر العلمي : https://bit.ly/3s0hVsR
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة.
مواضيع صحة الاسنان والفم