حالة سريرية: فتاة بالعشرينات ٢٦ سنة عم تحضر لعرسها لكن للأس

حالة سريرية:
فتاة بالعشرينات ٢٦ سنة عم تحضر لعرسها لكن للأسف صار شي خليها تأجل العرس واللي هو👇

بأحد الأيام الباردة فاقت الصبح حاسة إنه نص وشها تقيل وبالفعل وهي عم تفطر لاحظت إنه في شي مو طبيعي لكن الأمر ما كان واضح.

للمسا تكاملت الأعراض وصار عنا شلل بنصف الوجه أو ما يسمى طبياً لقوة.

وطبعاً ما كان عنا أي أعراض تانية مرافقة لا صداع ولا ضعف بالجسم ولا أي شي تاني، خافت كتير وفوراً اتهجت للطبيب.

شو صار برأيكم⁉️
اللي صار حالة طبية منسميها شلل بيل وهالحالة تواترها 30 لكل 100 ألف شخص
بصير عنا شلل محيطي للعصب السابع اللي بيعصب معظم الوجه وبعض الغدد بالوجه وجزء من اللسان (تذوق).

الآلية غير معروفة تماماً يتهم فيروس الهربس بإحداثها وفيروس ابشتين بار والآلية المناعية.

شو التصرف بهالحالة⁉️
🔹 التصرف الأسلم هو البدء الفوري بالعلاج والعلاج الأساسي هو الكورتزون (عادة بردلون ١ملغ /كغ) مع أو بدون مضان فيروسي وذلك حسب القصة واللي عادة بكون فالاسيكلوفير
🔹 للأبر الصينية دور بالعلاج بدورها كمحفزة ومنبهة للعصب
🔹 كونه هالعصب مسؤول عن عضلات الأجفان وبهالحالة المريض صعب يغمض لهيك لازم نحمي العين عن طريق تسكيرها بلاصق ليلاً مشان ما يصير تقرح ملتحمة وقرنية.

مهم جداً:
من المهم تطمين المريض بهيك حالة إنه ما عنده مشكلة دماغية وإنه عند معظم المرضى الشلل يبلش يروح تدريجية خلال ٦ أشهر لسنة.

شو صار مع الصبية⁉️
فعلاً خلال فترة ٤ أشهر تراجعت الحالة كلياً.. وفرحنا فيها ❤️
لكن النكس وارد🤷‍♀️
دمتم سالمين 🙂
د. خالد جمعة

(سماعة حكيم)