حزر فزر هاد المرض هو مرض التهابي مناعي ذاتي ممكن يصيب ال

حزر فزر ⁉️ 😅
هاد المرض هو مرض التهابي مناعي ذاتي .
ممكن يصيب الجلد ويزيد معدل تكاثر خلاياه ليعمل طبقات غير ناضجة (فرط تقرن) . ولأن مابيترك فرصة للجلد ينضج تمام لانه بيضل يتكاثر .فهاد بيعطي جلد غير سليم .جاف .بينزف وبيعمل حكة وألم 😓.
والمرض مو بس بيصيب الجلد .كمان بيصيب الاظافر وبيعمل لها تشوه بالشكل وممكن ينحل الاظفر .
و كمان ممكن يهاجم المفاصل ويعمل التهاب لها مع تورم و آلالام شديدة .
للأسف هالمرض ممكن يصيب عدة أجهزة غير هدول لسه . الكتفين .الجذع .الابطين وفروة الشعر ووو. ولأن السبب مناعي المريض لازم يضل ملتزم بأدويته و يضل ع تواصل مع الطبيب .

طيب كيف السبب مناعي ⁉️ 🥺
الحقيقة احدى النظريات القوية التي فسرت السبب قالت انو الكريات البيضاء بعد ما تنضج بتروح لتتدرب بالطحال وتعرف مين الصديق ومين العدو . وهي هنيك بتبلش تتعلم من الصديق عن طريق التعرف على بروتين Classl-MHC وجود هالبروتين اشارة للكريات البيضاء انو لا تهاجميني 🤝🏻(يلي مو متذكر يرجع لاول بوست مناعة) .😅
المهم الكرية البيضاء لما تتعرف على هالبروتين المفروط ما تشتغل لانه من الجسم .
بس هون بهالمرض وباغلب الامراض المناعية يلي بصير انها بتحسس له وبتشتغل . طبعاً الجسم لما بتطلع الكرية البيضا هيك متمردة بفعل الموت الخلوي لها لتموت لحتا ماتضل تهاجمه .
بس للاسف عند مرضى المناعة بتقول النظرية ان هالكريات هربت ووصلت للدم .😔 ولهيك بضل انذار المناعة شغال بجسمن . وهون هالكرية بترفع عندن كريات تانية متل Th1.Th17.واللمفاويات القاتلة و بعض الانترلوكينات يلي كمان بتعمل التهاب متل IL-12 .INF-Y.و TNF- a
.
هاد المرض أكتر تواتراً بالدول البعيدة عن خط الاستواء . لان الفيتامين Dيقل انتاجه كلما ابتعدنا عن خط الاستواء .
و للصراحة احد الخيارات العلاجية مركب بيشبه فيتامين د 😎لعلاج المرض اذا كان سطحي . . لانه بحسن نضج الجلد و كمان بيساهم بافراز انترلوكينات بتعاكس الالتهاب .

لهيك تشمسوا منيح 🌝
فهل عرفتم اسم المرض ؟🙊
روجين عمر

(سماعة حكيم)