طالعة من المشفى بعد دوام طويل ؛ و كان لازم أخد تكســي اعطيها نص راتبي لأنو مافي ولا ميكرو من نص ساعة و الشمس بتسلق سلق !
طلبت من العم يوصلني ؛ و لسا ما مشينا كم متر و بدأ الحوار التالي :
✔ و الله يا دكتورة عم يقولوا أنو جاي موجــة رابعــة .. ملينا من هالمرض بدنا نعيش !
▪ أي و الله ياعمو في موجة رابعة لازم تنتبه على حالك وتلبس كمامــة من يوم ورايح ..
✔ لشو الكمامة دكتورة ؛ أنا مبارح أخدت الجرعــة التانيــة من اللقــاح و أخيراً خلصت منها .. خلي العالم تشوف هالوجه الحلو ( مع ضحكة بريئة و بسيطة بتسرق القلب ❤ )
▪ يا عمو اللقـاح ما بيحمي من الإصابة بشكل كامــل ؛ يعني حتى لو أخدت الجرعتين في احتمال تنصاب بس بتكون إصابتك خفيفـة و عرضيـة !
✔ يعني بدي ضل لابس الكمامــة ولو !
▪ أي و الله ياعمو ؛ خصوصي هالفترة بدك تلبسها و تدير بالك على حالك .. اللقاح مــا بيغنــي عن الكمامة ..
✔ نيالك يا دكتورة .. صبية و صغيـرة ما بتهكلي هم هالمرض متلنا !
▪ و الله يا عمو هكلانة هم ؛ صرنا كلنا بالهوا سوا و الفيروس عم يطـور حاله و صار يصيب الشبــاب متل ما عم يصيب الكبار !
✔ و الله هالفيروس لعيــن يا دكتورة .. من وراه مرتـي إلها سنتين ماعم تخليني سَلم بالإيـد لا على صبيـة و لا على جارة كيف ما تسمع أنه صار يصيب الصبايا 🙃
ميددوز ~ حــوار الشــارع الســوري
(ميددوز)
الله يبعدو عنا يارب
.
ما كان ليتحقق لهم ذلك لولا وجود “إعلاميين و ممتهنين في قطاع الصحة” يكرروا و يكرروا كذبتهم ،حتى أصبحت حقيقة لدى الشعوب يدافعون عنها ويتهمون غيره باللامبالاة.