🧓 :اخ اخ يا ام نبيل، حلقي واجعني كتير ماعم بغضر اكل
👵 :يا روحي هي روكونا والله حاسسني قلبي من وقت ما بوست جارنا ابو أحمد، لقوم حط كمامة 😷😷
🧓:اي والله من وقتها وحاسس اني تغيرت ونعديت منو خصوصي كان عم يسعل
👵خود شوف حرارتك يالطيف 39 هي هيك سعول لشوف
🧓كح كح كح كح
👵هي هية روكونا من السعلة بينت انو هيه متل ابو أحمد ، بلش لكن فيتامين سي وبي ودال وزنك وحب التهاب بس شو بدك تاخد حب التهاب 🤔🤔 نسأل الصيدلي.
👵الووو جوزي ابو نبيل معو روكونا شو الدوا الالتهاب الافضل 💊💊💊 اي هاد هو بعتلنا ياه 😇
🤧🤕🤒🥴😵يوم ويومين وتلاتة واسبوع
🧓لك يا ام نبيل ماعم تنبلع الشوربة معي حاسس حالي عم اختنق حلقي مسكر في شي منفوخ بزوري، رح قوم عالدكتور
👵لك يا رجال في فطر اسود وهلأ بتموت متل فلان وفلان….
🧓حلي عني رح روح ماعدت اتحمل
🧓مرحبا فوتيني عند الدكتور حاله اسعافية عم بختنق وجع وجع
🧓 الحقني يا دكتور بلعومي منفوخ ومسكر ماعم بقدر افتح تمي حرارتي ↗️↗️
👨🏻⚕️خير يارب افتح تمك قول ااه
🧓مالي غدران
👨🏻⚕️يلا بس شوي تمام، معك خراج جانب لوزة، والسبب هو التهاب اللوز القيحي مالو معالج بشكل جيد ولا بجرعة دوائية جيدة، بسرعة بدك تفريغ للخراج بعملية مع قبول مشفى وادوية وريدية.
👨🏻⚕️ تم اجراء تفريغ كامل للخراج، تحسن العم ابو نبيل مباشرتا بعد التفريغ وتم وصف كورس علاجي كامل ورجع لحياتو الطبيعية وماعاد يبوس حدا وصار كل ما وجعو شي يستشير طبيب مختص.
👨🏻⚕️ وبنقلو للعم دير بالك اذا رجع هالخراج مرة تانية راح نستأصلك اللوز .
اعراض خراج جانب لوزة( كوينسي) :
تحدد فتح الفم ، حرارة ، عسرة بلع ، إلعاب(سيلان لعابي شديد من الفم) ، الم شديد .
الصور توضح الخراج قبل التفريغ وبعد باسبوع من التفريغ، دمتم بخير …..
د. عبد الله ابو ماضي
(سماعة حكيم)
…
معلومة هامة ومفيدة وأحيانا يعالج التهاب اللوزات القيحي بمضاد الالتهاب لينكومايسين وهومن أشد أنواع الالتهاب الله يشفي الجميع
عنجد هيك بيصير مع الناس شكرا دكتور ع المعلومة
شكرا على المعلومة
…