السلام عليكم.
سؤال لأهل الخبرة حصرا…. حصرا ليس للهواة.
لدي جهاز يحتاج للتشغيل تيار مستمر 18v و 3.5A أريد تشغيله على بطارية 12v أحضرت دارة رفع جهد بقدرة 6A و عايرت الخرج و قسته على 18v.
أسئلتي:
ما قدرة البطارية المطلوبة؟ قمت بحساب بطارية 7 A ستكفيني ساعة تقريبا هكذا ….بالاضافة هل تتحمل هذه البطارية التفريغ خلال ساعة . هل من مشاكل حول التفريغ. ما قدرة البطارية التي يجب وصلها لتشغيله ساعة.. يعني استهلاك 65w
هل من أي ملاحظة يجب أن أنتبه لها قبل وصل الجهاز .أنا لم أوصله بعد.. قلت أتاكد قبل من الخبراء أولا
مختلف
البطارية رح تفرغ بسرعة لان عم تسحب منها أمبير كبير هادا أولاً..
وثانياً بدها تكون سماكة الكبل مناسبة من مدخل الدارة للبطارية قصدي مناسبة للمسافة يعني فرضا بدك تحط الدارة بعيدة عن البطارية ٥متر المفروض تحط كبل ٣ملم والا رح يهبط جهد البطارية وتحما الدارة بسرعة..المفروض تحط بطارية اقل شي ١٤امبير حتى ما تتضطر تفرغ البطارية بسرعة وتنضرب
بطارية 7 امبير والحمل 6.5 امبير
مارح تشغلك اكتر من 20 دقيقة وهي اذا كانت جديدة
ورح تنعطب بفترة قصيرة
بطارية ٧ امبير
صغيرة كتير عالسحب يلي عندك
بدك بطارية ٣٥ امبير تيار تفريغها ١٠ بالمية من تيارا الكلي
بتشتغل معك ١٠ ساعات للصفر بالمية
ولكن مرح فيك تفرغا هيك مشان ما تتلف بسرعة
لح يكون التفريغ عندك ٣٠ بالمية اقصى شي
يعني ثلاث ساعات عمل بشكل آمن للبطارية .
الدراسة هي لسحب تيار ٣.٥ ساعي .
قيس عهالمنوال هاد
ساعات العمل وتيار التشغيل هوي يلي بحدد سعة البطارية.
بس في شغلة وقت انت ترفع الجهد لل١٨ فولت بالحالة هي بدو يرتفع سحب التيار من البطارية
يعني السحب من البطارية لح يكون اكبر من السحب من دارة الرفع
انت وعم تحسب الإستطاعة المستهلكة خلال ساعة على الجهاذ بس احسب حساب انو يضل بالبطارية 20% حتى ما تفضى ع الأخير حتى يطول عمرها الإفتراضي وسماكة الكبل متل ما ذكر الأخ آصف موفق إنشاء الله..
دارة الرفع ٦ امبير بدك تنتبه ماينزل جهد البطارية الى اقل من ١٠ فولت
بطارية ٧ امبير بتشغلك ساعة ونص
تيار السحب من البطارية اذا كان سحل لابتوبك اعظمي
٥.٥ امبير من البطارية يقابلها ٣.٥ امبير ل اللابتوب
يفضل تركيب دارة فصل عند انخفاض جهد البطارية
كابلات الدخل لازم تكون ١.٥ ملم نحاس نظامي
هي معلومات طبقت عالواقع من مركزنا وبصناعتنا لهيك شواحن لابتوب