📢 إعلان إعلان (يعلن مركز إشارتي للصم عن دورات تعلم أساسيات لغة الاشارة – إشارة حكيم)
شو هالإعلان هاد شي ظريف دورة لغة صم ومجانية والله منيح، 🤔 لنسجل ونقطع وقت.
جلسة ورا جلسة تعلمنا فيها على يد أفضل المدربين وخلصت وكتير استمتعنا فيها وتعلمنا أساسيات مهمة بلغة الإشارة وضحكنا ونكتنا.
ورجعنا عشغلنا مع هالمرضى وهالمشافي ……
فجأة بأحد الايام فاتت عندي السكرتيرة وبتقلي دكتور في مريض ماعم افهم عليه بس عم بيأشر عأذنو 👂🏻🤔
خير ان شاء الله .. خليه يفوت قلتلها.
لمّا دخل المريض ما لقيت غير عم بيقلي السلام عليكم (بلغة الإشارة) انا هون عرفت انو هاد المريض من الأشخاص الصم وقصدو يسأل عن طبيب اذن انف حنجرة يلي هو انا 😇😇 وقلي شو اسمو وقديش عمرو وشرحلي مشكلتو وعطيتو الوصفة، بس للاسف كانت أعراض كورونا وقلتلو انت مصاب بهالفيروس ولازم تعزل حالك، (طبعا عم بيحاكيني بلغة الإشارة وعم برد عليه) تشكرني وراح وهو كتير سعيد انو تواصل معي بدون مترجم.
قاعد عم فكر باللي صار لو ما فتت عالدورة وتعلمت هاللغة لما حسنت اتواصل مع شخص أصم لا يقرأ ولا يكتب.
وبعدين شجعت السكرتيرة وكل الأشخاص يلي حولي للتسجيل بأقرب دورة لتعلّم لغة الصم.
الصم هم افراد بالمجتمع ويجب علينا ان نندمج معهم ويندمجو معنا.
حابب وجه شكر خاص باسمي ل مركز إشارتي وللجهة الراعية سماعة حكيم يلي منحت للأطباء فرصة نتعلم فيها لغة الإشارة يلي راح نحتاجها عالأكيد بمواقف ممكن تكون مصيرية لحياة أشخاص من الصم.
د. عبد الله أبو ماضي.
(سماعة حكيم)
اذا بتريدوكيف فينا نسجل وايمتى بتصير هالدورات .شكرا
يعطيكم الف عافية خطوة رائعة
❤❤❤