صباح القوة مّاذا إن قررت فَيروز كتابة رسالة , بكلمات أغانيه

صباح القوة♥️
مّاذا إن قررت فَيروز كتابة رسالة , بكلمات أغانيها ⁉️

كيفك؟
قال عم يقولوا صار عندك ولاد, أنا والله كنت مفكرتك برات البلاد..

مِن بعد هل عمر. بتذكر؟
بتذكر ليالي الهوى يوم اللي التقينا سوى, و الخيمة عالعالي؟
بتذكر شو كنت تقلي, شتقتلك, شتقتلي؟
بهالأيام, بعرف ما رح بتقلي..

طيّب أنا عم قلّك اشتقتلّك..

بتذكر شو كنت تقلي, يا حنينه؟
بتذكر شو كنت تقلي, يا حلو يا قمر…

بس هلق بدي قلك.. مغرور يا هوى يا هوى مغرور
بدي قلك.. يسعد صباحك والمسا..يا اللي ما بتردّ المسا,
يا حلو يا مغرور..

بتذكرك..
بتذكرك كل ما تيجي لتغيّم…وجهك بيذكّر بالخريف, مابعرف شو قلك. , رجع أيلول و أنت بعيد..
بعرف…
القصة مش طقس يا حبيبي, هاي قصة ماضي كان عنيف..
بس هلأ؟؟
ما بتذكر شكل وجهك
بس بذكر قديش كان أليف…

بذكر..
بذكر لما عالباب يا حبيبي منتودع, ذكريات يا حبيبي.. ذكريات, صور مصفرة وممحية قاعدة بزوايا بالي.

ياريت, يا ريت ما حبيتني ولا أشقيتني..

بتعرف؟؟
ياريت, يا ريت منن مديتن ايداي وسرقتك أيه أيه!! لأنك إلن
يا ريت أنت و أنا بالبيت..
شى بيت أبعد بيت يضيع طريقك ما تعود تفل
و تضل حدي ..

صدقني.
صدقني لو بقدر أتحمل عذاب الأشياء كلا ما كنت فليت..
معقولة وقتها كان كل شي هالقد بسيط؟؟؟
ولا الوقت محي اللي كان لازم ننساه؟
لو فينا نرجع نعيد كل شي من جديد كنا عدناه..

بعرف..
بعرف.. ما رح ترجع بعرف أنن غيروك
و صرنا كتير نخاف اذا نحنا تلاقينا.. وصرت عنّك غريبة
و كل مين طوي شراعو وراح بهالمدى..

يا حبيبي بدي قلك بالاخر..
وحياة ريشاتك وإيامي سوى, وحياة زهر الشوك وهبوب الهوا

بيطلع عبالي.. إرجع أنا وياك
إنت حلالي.. إرجع أنا وياك

أنا وانت ملّا إنت

فرانسوا داراني
صباحكم رواق وحب كتير♥️
شو بتحبو تسمعوا الصبح⁉️

(سماعة حكيم)