صباح القوة الطفل الثاني معجزة بكل المقاييس، الأم بتكون حاس

صباح القوة ♥️
🔸الطفل الثاني معجزة بكل المقاييس، الأم بتكون حاسه إنها مستحيل تحب حد قد ابنها الأول، وإنه اتربع على عرش قلبها بلا منازع 💕 لدرجة إنها ممكن تأجل قرار الحمل الثاني لانها خايفه ما تعدل بينهم ..

🔸بس لما ييجي الكائن الصغنون بثبتلها إنه قلبها أوسع من الكون ❤ و طاقة الحب جواتها ما الها آخر، و بعيد ثقتها في قدرتها على العطاء الغير محدودة ..

🔸بيجي للدنيا الطفل إللي كانت مفكره إنه رح يكون كمالة عدد ، بس وقتها رح تحس إنها ما كانت عايشه قبله ..

🔸بييجي يملي عليها النص الثاني بحياتها لأنه النص الأول اخده الإبن الأول، بتكتشف كمان إنه البيبي الثاني مش مهضوم حقه و لا إشي بالعكس محظوظ وماخد حقه ثالث و مثلث ..

🔸الطفل الثاني بيكون حُبه مزدوج بقلب الأم 💞 هي بتحبه لأنه هو إبنها، وكمان بتحبه لأنه أخ طفلها الأول، اللي هو حبها الأول ❤️ ..

🔸إكتشفت إن الطفل الثاني ما بيكون تكرار لتجربة الأمومة هو بيكون تجربة جديدة فريدة من نوعها ..

بإختصار طفلك الأول بيخليكي أم🤱و طفلك الثاني بيخليكم عيلة👨‍👩‍👦‍👦 ..

من جميل جميل ما قرأت ♥️💚 ..

حفظ الله أطفالكم من كل شر 💙❤️ ..

👨🏻‍⚕️د.أحمد نيروخ
صباحكم حب وسعادة🙏
خبرونا شو أسماء الحلوين عندكم♥️

(سماعة حكيم)