لما تزعل وتنزعج وتتضايق ع أشياء وتصير تفكر بسلبية! لما تكتئب بسبب حدث غير متوقع صار معك! لما تتحسس من أي موقف
بصير! يا ترى بتعرف شو تأثير هالشي عليك ؟
طيب أنا رح احكيلك..
كلّ المشاعر السلبية اللي منعاني منها نحنا البشر على اختلاف أنواعها وطبيعتها ، بترجع لشغلتين اللي هني ٩٠% اللي بعانو منها الاشخاص الشغلة الاولى: الخوف من المستقبل أنو اناةشو ممكن يصير معي بالمستقبل ولوين رح أوصل! رح حقق هدفي.. رح سافر ..إلخ..أما الشغلة الثانية : بتكون عادةً حسرة على الماضي أو ع حب ضائع او وقت ضائع ..!
طيب كيف نحنا رح نتخلص من السلبية يا ترى؟!
أولاً كون لطيفا مع حالك لأن العداونية او قطع الاكل او متل ما بقولو بالعامية( زهدت من الدنيا ) هي لازم نلغيها …
ثانياً لازم نعرف مصدر الأفكار السلبية لنقدر نواجهها…
ثالثاً احكي مع اشخاص بيهتمو لأمرك …
رابعاً والأهم : بعد عن الناس السطحيين اللي مفكرين حالن محور الكون!
خامساً فرغ طاقتك من خلال شي انت بتحبو ممكن ( رسم عزف كتابة قراءة..إلخ..)
سادساً : اسمع الموسيقى اللي بتخلي مزاجك أروق ولا تنسى تضل تحكي حالك بطريقة إيجابية …
وأخيراً لازم انت من جوا تقتنع بالتغيير للافضل لتصير الافضل… كنت معكن انا غالية من قسم الدعم النفسي لفريق سوريا التعليمية.. تضلوا بخير.
صح كلام صنوبر ❤❤❤