شريك جاي لعندك سخن الأبريق وانقع هالمتة
بدي ادرس شو اعمل؟ يلا ح سخن متة
بونجور..متة عالفطور! تخنت ما؟
ما بشربها أنا لا تستلموني☠
المتة مشروب كتير كتير شائع بالشرق الأوسط..وخصوصي بسورية..وتحديداً بالساحل يمكن😂 خطرلهن من قبل شو فوائدها؟
■منشطة..أي أي منشطة..فيها كافيين وثيوبرومين…يعني بتسبب زيادة بالتركيز والطاقة والقوة البدنية
■فيها مضادات أكسدة كتير متل مشتقات البوليفينولات ومضادات التهاب وخافضات شحوم
■بعض الدراسات بتقول أن منقوع المتة قدر يقتل أنواع من الجراثيم والفطور لما حطوه عالمستعمرات الجرثومية..بس ما تأكدوا من هالشي بشكل كامل لسا عند البشر💜
■خفض الوزن!! أي أي خفض الوزن بس ما تحطلها معلقتين سكر يعني😑… بتقلل الشهية بتزيد معدل الاستقلاب وبتقلل عدد الخلايا الدهنية
■خفض مستوى سكر الدم..بتساعد الأنسولين يشتغل تمام..هيك لاحظوا لما عملو تجارب عالحيوانات وشربوهم متة🤔 عالبشر ما ثبت الموضوع لسا
إلها آثار جانبية ماري؟؟ أي أكيد
قلنا قبل إنها منشطة..ف الكميات الزايدة ممكن تعمل صداع..وارتفاع ضغط دم..وخاصة إذا حطيتو معها إكليل الجبل..هاد لحالو بيرفع الضغط كتير
وشربها ساااخنة كتير ممكن يحرض ع تكون خلايا سرطانية عالمدى الطويل..
ماري ما بصير أخضر اذا شربتها كتير…لا عيني روق أمورك تمام 🤣💚
متل العادة أنا الدكتورة ماري نمنوم
المصدر..دكتور هضمية بكلية الطب بتشرين…
(سماعة حكيم)
Marie Namnoom
انا بحبها لأن بيشربها ميسي