👼🏻 » مرحبـا ؛ أنا الجنين و بدلعوني ( جوجو ) و قَدري مرسوم لكون سترونغ إنديبيندنت ومان أو مان مُكافح من أول لحظة بيلتقي فيها بابا مع ماما و بلَقحـها ( مو اللُقــاح يلي خطر على بالكم )
👨👦 » الحيـوان المنـوي عند بابا بيملك نسخة من الكروموسوم X و نسخة من الكروموسوم Y
👩👦» بينما بتملك البويضـة عند ماما نسختين من الكروموسوم X ( وين العدل و المساواة ؟! )
👼🏻 » بلا طول سيــرة ؛ لو اجتمع كروموسوم X من بابا مع X من ماما بجي بنــت ( غالباً رح يسموني على اسم ستي كرمال ما تزعل من بابا يلي أخد ماما بدل بنت أختها )
👼🏻 » ولو اجتمع كروموسوم Y من بابا مع X من ماما بجي صـبي ( و كمان رح يسموني على اسم جدي كرمال الأصول )
👼🏻 » و بعد ما صار إلي حوالي الــ 20 أسبوع ببطن ماما ؛ صار وقت تحديد جنس الوريــث الشــرعي للعائلة الحاكمة يلي ماعندهم غير أرض 5 دنمات رايح 3 منها بمشروع شـق أُوتوستـراد دولـي و هيك هيك مارح يطلعلي منها شي !
👼🏻 » بتفحصني الدكتورة بالأيكــو ؛ و ببين معها أني صبي و بتفقع ستي زلغوطــة و بتنهار مرت عمي سماهر الحامل ببنت و بربـح المعركـة من قبل ما أجي ..
👼🏻 » و بجهزولي تيابي و بسموني حمــودي و بياخدوا أهلي قــرض من بنـك عـودة كرمال يشترولي تياب و حفوضـات و شغلات البيبيات يلي آخرتها تنحط عالسقيفــة بعد سنتين ..
👼🏻 » و بيجي اليوم الموعود لقدوم حضرتي ؛ و العيلة كلها ناطرة تشوفني بلا تياب كرمال يتفقوا لمين طالع بشبــه !
🔴 » و إذا بطلع بنـــت !!
و بتقلها مرت عمي لأمي : كلشي من الله يا محلاه و بيــن الطلقــة و الطلقــة بتتغيــر الخلقــة ! 😏
👼🏻 » لأ طولي بالك مـدام سماهر ؛ أنا من أول لحظة إلي كنت بنت !
لكن ماما الله يصلحها كانت كربوجــة زيادة و ماعم تخلي الدكتورة تحدد جنسي منيح ؛ و أنا كنت متوضعــة ببطنها بطريقة ملتفة ( خايفة على حالي مين أنتو تشوفوني هيك ؟! ) قاموا خربطــوا !
بتصير على فكـرة ؛ و هاد ما بيعني إني تغيرت .. هنن بس ما عرفوا يشوفوني صح ❤👼🏻
بالمناسبــة .. لهلق أهلي مصدومين و ما لاقولي اسم ساعدوهم ❤👼🏻
مــــيددوز ~ مـــــصدرك للـــــمعلومات الـــــطبية الــــــموثوقة 🛡
(ميددوز)
الاسلوب ابداع❤
حلوة ♥️