كلنا وبدون استثناء منتعرض ل كلام بشع ممكن كل فترة ويمكن كل ي

كلنا وبدون استثناء منتعرض ل كلام بشع ممكن كل فترة ويمكن كل يوم في أشخاص بحياتنا همها الوحيد انو ما تشوفنا مبسوطين …
واليوم رح نحكي عن هاد الموضوع ..
جاهزين❗يلا نبلش 🚶🏻‍♂️🤍

🔆 ليش هيك لابس شو ماعندو ذوق ❗
شو هالاغاني يلي عم يسمعا …هي حبيبتو عنجد ❗ياحرام بس اكيد ضحكانة عليه أو عاملتلو سحر😃

🔅يا الله من كل عقلو مفكر حالو رح يصير (مشهور فنان دكتور )
مارح يطلع منو شي ❗وركزولي على هي ..

🔆كل يوم ب اخر النهار منحط راسنا عالمخدة ومنفكر بكل الحكي يلي سمعناه وبكل المواقف يلي مرقنا فيها .. في أشخاص بتقدر تتجاوز هالمواقف وفي أشخاص لا ..
منقعد منفكر يا ترى انا عنجد هيك ..
متل ما كان عم يحكي/تحكي عليي..
افكار بتاخدك وبتجيبك بس للاسف هي الأفكار لما تسمعلا رح تكون سبب تدميرك ..

🔆 كل شخص فينا خلق ليكون مميز بشي يمكن بذكائك يمكن بصوتك يمكن بشخصيتك والكاريزما تبعك وغيرن كتير ..كل شخص فينا كبر و وعي على حلم..

🔅هي الناس هيي عدوة كل هاد يلي حكيناه هدول الأشخاص همن الوحيد انو ما يشوفوك مبسوط ومتهني بحياتك… مايشوفوك محقق يلي انت بدك ياه وبس💔

🔅لازم تمسك كل هاد الحكي وتتجاهلو ولا تعبرو..
كون واثق بحالك واثق بشخصيتك وحلمك… كافح لحتى توصلو اشتغل على كلشي فيك ل توصل وتحقق احلامك وتكون بالمكان يلي بتحلم فيه ❤️
وبما انو لساتنا ب بداية سنة جديدة حابب قلكن كلكن بتجننو وكل حدا فيكن مميز بطريقتو الخاصة خليكن واثقين بحالكن ولا تسمعو حكي الناس وكلكن بتقدرو تحققو احلامكن عملو الشغلات يلي بتحبوها ومقتنعين فيها ولا تهتمو لحكي الناس ابدا 🤍

وهاد كان كلشي🤍
كنت معكن انا محمد حمامة 🤍🤍

(سماعة حكيم)