👩🏻⚕️كيفك ام رامي مبارك ما اجاكي شو خير لوين اخدة هالبنوتة ورايحة
👱🏻♀️اهلين حبيبتي والله اخدة بنتي لحتى اثقبلها ادنها وحطلها حلقات بتعرفي كلما بكرت فيهن احسن واخف وجع لهل البنوتة
👩🏻⚕️اممم بس بتعرفي انا برايي تأجليها شغلة شهرين تلاتة بكون افضل
👱🏻♀️اوف ليش بقى؟؟
👩🏻⚕️لانو عمل ثقب بآذان البنوتة قبل مايصير عمرها شهرين ممكن يعرضها لمرض اسمو الكزاز 😬
👱🏻♀️و دخلك شو هو هالمرض؟ 😱
👩🏻⚕️هو مرض بكتيري بسبب تشنجات عضلية مؤلمة وبأثر على الجهاز العصبي.. وهي البكتيريا ممكن أنو تتواجد بالتربة او الغبار وبتنتقل للجسم عن طريق وجود جرح أو خدش أو عند دخول جسم غريب مثل الإبر.
لهيك ممكن أنو يكون الحلق أو الأداة المستخدمة للتثقيب غير معقمة بشكل جيد
👱🏻♀️طيب شو بيفرق هلق عن بعد بشهرين🧐🤔
👩🏻⚕️الفرق انو بعد ما يصير عمر البنوتة شهرين بصير وقت نعطيها لقاح الكزاز وهيك بصير فيكي تثقبيلها ادانها وانتي متطمنة مع ضرورة التأكد من نظافة وتعقيم الادوات المستخدمة
وهيك منكون عطينا نصيحة لكل الامهات يلي على وشك ولادة ومنقلهن انتبهوا على اطفالكن كتير♥️
كل السلامة والحب الكن🌸💜
تضلوا بخير دائماً🌸💜
د.نور الهدى عبدالله الحلاق
(سماعة حكيم)
Noor Alhooda Al Hallak
العمى شو عاملين فينا بصغرنا كان لازم نموت شي سبعميه مرة بالقليله
أو بينترك الخيار للبنوتة بس تكبر وتقرر اذا بدها تحط حلق وتثقب أذانها أو لا