ومع ذلك رح نعطي رأينا
من اليوم ورايح رح نبلش تقييم أو مناقشة ميزات قطع أو دارات إلكترونية مطروحة بالسوق السورية
وأول ضيف معنا هوي
دارة حماية البطارية
ميزات الدارة:
-إمكانية ضبط حد أدنى وحد أعلى لجهد البطارية بحيث يتم وصل الحمل عالبطارية فقط في حال كان جهد البطارية ضمن مجال محدد
-إمكانية ربط متحكم صغري مع الدارة من خلال وصلة تسلسلية
-ست أوضاع تشغيل، من ضبط ل وقت الشحن، للتحكم بالشحن، لتحكم بالحمل وغيرها
-جهد عمل محترم من ٦ فولط لغاية ٤٠ فولط، بمعنى قادرة تغطي بطاريات ال ١٢ فولط وال ٢٤ فولط
سيئات الدارة:
أول شي، أوضاع الاستخدام كتيرة ومعقدة وبدها دليل موسع، للأسف غير موجود
تاني، وأهم شي برأينا، الريليه عشرة أمبير وصينية، بمعنى غير قادرة فعليا على تمرير حتى العشرة أمبير، طبعا وهيك حد أعلى للتيار يمكن للأحمال بالبيت تتجاوزو وبالتالي تنضرب الريليه وماتشتغل الدارة شغلها
تالت شي، السعر، سعرها من أحد الموزعين ذوي السمعة الواسعة ٤٥ ألف ليرة
رابع شي، الدارة بوضع نافذة العمل مافيها حلقة بطاء hysterisis يعني بالعامية بتطقطق، مثال: الحد الأدنى مضبوط عال ١١.٥ فولط، جهد البطارية ١١.٧ فولط، وصلنا حمل كبير، نزل الجهد تحت ١١.٥ فولط، طفت، فصل الحمل، رجع الفولط فوق ١١.٥ فولط، وصلت، فصلت، وصلت، وهيك
خلاصة:
لو في دارة بوظيفة وحدة ألا وهيي حماية البطارية من انخفاض الجهد الزائد، مع حلقة بطاء، وبتحمل ٣٠ أمبير وبسعر منافس كانت رح تكون شي مرتب
مع تحيات فريق سايبرترون سوريا
نظام الريلي نظام فاشل الصح هو استخدام موسفيت سعر الدائرة لا اعرف كم بالدولار بحد علمي سعرها لايتعدى 2 الى 3 دولار
ياريت يكونو كل المنشورات اللي بتتوصف هالقطع الالكترونية ضمن هاشتاغ موحد
لا منعتذر منك في دليل فيديو كامل للتافاصيل فيك تتواصل مع الاستاذ مهند بيبعتلك او عاليوتيوب موجود و موضوع التكتة بإيدك العيار فيك تقول افصلي عند 11.5 ولا ترجعي تشتغلي لحتى ترجع البطارية 13