👶🏻 صرنا بعمر السنة ونص ، عمر المشاغبة والثرثرة والتقليد
بهالعمر بالتحديد بصير بعرف أخد وأعطي مع نسوان الحارة بموضوع مهم جداً .. وين عينك ؟ وين أنفك ؟ وووين حفوضتك ؟ وبس جاوبن بقولوا عني أزعر ، طيب ما أنتوا سألتوا 😏
👶🏻 بهالعمر بقدر كر حكي من 10 ل20 كلمة وحتى عبر عن نفسي ممكن تشوفيني عم أردح متل الداية أم زكي 😂
👶🏻 لو قلتيلي : شيلها للطابة من أيدك وهات الموبايل هلق بتكسرو وتعال كول
آسف ماما بس أنا رح أجي بس أكل مو لأني أبو كرش ولازم حافظ على تعبئة خدودي منشان اجذب الصبايا الحلوات الجلقات بس أنا بهالعمر بفهم الأمر المكون من خطوة وحدة فأنتِ حكيتي 3 خطوات أخدت منهن يلي بدي ياه انتبهي 🤭
👶🏻 بهالعمر بقدر الحقك عالمطبخ واطلع لعندك عالسطح كمان صرت بعرف اطلع الدرج بأيدي لأنو 😍
وهلق بقدر اشلح جراباتي بلا منيتك 😂
كمان بقدر ارمي الطابة وشوطها وحطها بنص عين جارتنا 😝
👶🏻 أنا هلق شخصية ودودة برحب بالضيوف الحلوين وبضحكلهن وبلعب مع ولادهن 😘 حتى أني بهالعمر بعرف عبر عن صديقي المفضل من الأطافيل ولعبتي المفضلة 😍
👶🏻 آخر شي بعرف اعملو بهالعمر هوي التقليد .. بقدر قلدك بالطبخ ، بالحكي عالتلفون بكلشي لهيك هلق بالذات اذا بدك انتقملك من بابا وعضو بس يعذبك انتي بس عضعضي قدامي بس مو تعضعضيلي خدودي أوعك ها 😒😂
بحبك ها ❤️
كنت معكم سَماح صالح محمد ♥️
(سماعة حكيم)
المصدر :
https://kidshealth.org/en/parents/development-18mos.html
Samah Saleh Mohammad
لا تنسوا تحملوا #تطبيق سماعة حكيم