كلنا عم نسمع أخبار وفاة شباب يومياً بأزمات قلبية رغم انو منعرف انو الازمة القلبية بتصيب الكبار أكتر .. فليش هيك
بالبداية لازم نعرف شو أسباب الأزمة القلبية الشائعة عموماً ؟
أولاً : عوامل قابلة للتعديل:
١. ارتفاع الضغط
٢. الداء السكري
٣. الكحول المفرط
٤. التدخين
٥. ارتفاع الشحوم
٦. البدانة والحياة الخاملة
ثانياً: عوامل غير قابلة للتعديل:
١. التقدم بالعمر: فكلنا معرضين لتضيق الشرايين القلبية بعد عمر ٥٥.
٢. القصة العائلية لمرض قلبي مبكر مثلاً وجود أزمات قلبية عند الأخ أو الأب بعمر الشباب وهي الحالة بتنبهنا لموضوع فرط الشحوم العائلي وهوو نادر كتير بصراحة.
معظم أسباب احتشاء العضلة القلبية [95%] تنجم عن تشكل خثرة ضمن الشريان الإكليلي وهالخثرة ما بتتشكل هيك على أرضية سليمة وإنما على شريان ممتلئ بالشحوم !!
ليش عم نشوف الأزمات بعمر مبكر؟؟
نمط الحياة تغير كتير عن أول
مثلاً: وجود السيارة 😓 خلانا نقلل من كمية المشي وبالتالي خمول بنشاط الجسم وحركتو والتقليل من حرق الدهون بالجسم
مثال تاني: وجود مطاعم الشاورما والأكل الغربي والبطاطا تشيز والبرغر والشاورما المسئسئة 🤭 والأكل المشبع بالدسم 😌 .. هالشي كلو عم يخلي الشحوم تتراكم بسرعة ضمن شرايين القلب ويزيد فرصة حدوث أزمة قلبية.
مثال تالت: عادة دارجة كتيير حتى ٩٠% من زملائي الدكاترة بيعملوها 🤭🤭 هية نفس الأركيلة !! منعرف انو فيها استنشاق للغاز السام للرئتين وضرر بضرر والعقل اللي فيه ذرة منطق ما بيرضى فيها 😒😒
مثال رابع وكتير من قلب الواقع وما بتتصوروا اديشو عامل مهم!!!
الزعل والتوتر بحكم ظروفنا الحالية والواحد حامل فوق همو وزيادة!!
الزعل والتوتر بيرفع مادة الأدرينالين بالجسم يللي بتسرع القلب وبتستهلك طاقتو وبتقبض الأوعية بالجسم بترفع الضغط وبتسرع تراكم الشحوم بالأوعية!!
مرة اجاني مريض عمرو ٦٠ سنة عم يبكي بالإسعاف .. أول ما اجاني فكرتو عم يتمارض ومبين عليه زعلان من شي.. قربت سألت ابنو شبو العم؟ قلي مطلق أمي من شوي 😞 … زعلت عليه واحترمت عمرو وقلت منعملو تخطيط قلب ولو اني كنت واثق انو الزلمة بس زعلان مالو مريض .. وإلا بتفاجئ انو عندو جلطة بقلبو بعد هالزعلة 😢
وبهالطريقة منفهم كلنا أنو الاسباب ازا وقفناها .. اكيد رح تتراجع نسبة حدوث السكتات القلبية
نقطة أخيرة:
حوالي [5%] من الازمات القلبية تحدث نتيجة أسباب اخرى غير الخثرة .. مثل التشوه الخلقي بشرايين القلب أو وجود الجسر العضلي ضمن الشريان القلبي أو التهاب الأوعية الإكليلية. نذكر أنّ السكتات هنا تتظاهر عند الشباب خصوصاً
كل الأمنيات للجميع بدوام عافية القلب والجسم 💚
كان معكم د. سومر شلبي
Somar Shalaby
(سماعة حكيم)
الفرح كل شب هون عم يفكر لبوكرا ما عم يعيش لحظة
والسعاده والعيشه الهنيه
الشاورما لا تحكوا عليها ع سلامتا
قناة سماعة حكيم على التيلغرام
لكل ما يهم الأطباء والصيادلة (فرص عمل و أخبار…)
https://t.me/samma3a ،
من السعادة و الراحة النفسية و المستقبل الجميل للي ناطرنا
التوتر والضغط النفسي من كل شي حواليك والحالة الاقتصادية …..
السعادة المفرطة طبعا
الله يحمي الشباب
علي عباس لا عاد تزعلني ها
الله يحمي كل الشباب
” #تطبيق سماعة حكيم” أصبح متوافراً على متجر غوغل بلاي Google Play
https://play.google.com/store/apps/details?id=itland.doctor
حمّله الآن
وحاليا البشر والظروف ضيفوها سبب والله لايسامح الي كان سبب باذيه حدى
الله يرفع البلاء يارب ولايضر حدا
طلعو حواليكن منيح بتعرفو شو سبب الجلطات للشباب
لسا بحطو الحق عالاركيلة والشاورما
العامل الرابع هو اكتر مسببات الجلطات .
سمعت ياابو اركيلة Khaled Al-zein
والله لا التدخين ولا الكسل ولا الاكل اللقاتل بعضه ..اللعميموتنا هو الهم اللقاتل بعضه بقلوبنا
حسبنا الله ونعم الوكيل
تم
هاد سؤال بينسأل بعد 11 سنه حرب
٠
من كثرة البسط والراحة المادية
……..
من لفرح وسعادة لي عم تعطينا اياه الحكومة الحلوة
..
يارب لطفك ورحمتك
شي بيجلط هالضغط والتفكير والمقت بيخلي الواحد ينجلط
ع كتر تفائل بالحياة
الله يرفع البلاء ولايضرحدا
كلنا عم نقرأ ونسمع عن دور السكر وخاصة السكر المضاف والكربوهيدرات بشكل عام مسبب لامراض السكر وارتفاع ضغط الدم وكذلك الكوليسترول والشحوم وتضيق الشرايين . . .
ياريت التوعية لهالموضوع أكتر من قبل صفختكم
طيب وهالضغوطات يلي عم تمر عالشباب شو وضعا الله يستر
خيرا
تم
والله كلنا رح ننجلط
شيل كل الاسباب أعلاه لانها كلها كانت موجودة من الازل
و خلي الضغط النفسي يلي عم يتعرضو الشباب الو
الله الوكيل من الكهربا جالطة الكل