مرض شائع : دكتورة :اهلا تفضل :حرارتي مرتفعة الها فت

مرض شائع♥️

🙍‍♂️:مرحبا دكتورة

👩‍⚕️:اهلا تفضل

🙍‍♂️:حرارتي مرتفعة الها فترة، وعندي اسهال ووجع بجسمي كلو🤒والله خايف أنو يكون معي كورونا😪

👩‍⚕️:تفضل لنفحصك، وبدي منك شوية تحاليل لنتأكد….
.
و بعد الفحوصات ونتيجة التحاليل تبين أنو معك حمى مالطية 😶

🙍‍♂️:يعني في خطر على حياتي 🤯

👩‍⚕️:لا اتطمن هوي مرض غير خطير وبالغالب انذارو بكون جيد 😍خلينا نتعرف على الحمى المالطية🤗

هو مرض حيواني المنشأ بتسببه جرثومة البروسيلا وفترة الحضانةبين تلاث أيام لعدة أسابيع

🔴كيف ممكن ننصاب فيه؟؟ 🙄

ينتقل المرض إلى الإنسان عن طريق الحليب ومنتجات الألبان غير المعقمة ، أو استهلاك اللحوم غير المطبوخة جيدًا ،وممكن عن طريق نقل الدم ، وعبر المشيمة من الأم إلى الجنين ، ونادرًا ما ينتقل من شخص إلى آخر.

🔴الأعراض الشائعة :

بتستمر الأعراض لعدة أشهر وممكن انو تصير مزمنة وهي
الصداع ، والحمى الدورية ، آلام المفاصل ، ألم عضلي ، وتضخم الكبد والطحال ، التقيؤ ، الإسهال ، آلام البطن ، وفقر الدم. وممكن يصير أعراض بالجهاز التنفسي متل السعال وضيق التنفس وذات الجنب.

🔴التشخيص😊

الدكتورة طلبت شوية تحاليل ومن ضمنن تحليل رايت اللي من خلاله منتوجه للاصابة

🔴العلاج :
الصادات الحيوية المناسبة

🔴الوقاية :
لازم نغلي الحليب او منتجات الألبان منيح ونتأكد من عقامتها
ونحاول نبتعد عن التماس مع الحيوانات متل الكلاب والخنازير والمواشي

ودمتم سالمين 😊

د.هند فؤاد بحصاص

(سماعة حكيم)