بطارية 6.5 امبير ع شاحن 3 امبير .. عم استخدمها بس للراوتر.. عم تكفي بس ساعتين. ساعتين بالضبط 120 دقيقة. و الراوتر. 12v 0.5A ليش بس هيك؟نظريا لازم تكفي 5-6 ساعات.. ماني مركب غير دارة الحماية (دايود و ليد و مقاومة) بين الراوتر و البطارية.
السؤال التاني.
اذا جمعت بطاريتين 6.5 عشاحن 5 امبير بس مشان الراوتر.. في شي غلط لازم انتبهلو؟
السؤال الثالث. كنت ناوي ركب دارة مثبت جهد.(هيك قرأت عنها) انو ما شو ما تغير الدخل بتحافظ ع خرج محدد.. انا بدي ركبها بس لاحمي الراوتز من تيار شحن البطارية يلي بيوصل لل 14 صح هيك ولا افي داعي؟
بتمني اهل الخبرة تجوبني… عل الاسئلة ال3
السوال الاول البطارية تعبانة او تقليد
والتاني بصير اذا كانت البطارية التانية مستعملة اما اذا جديدة فمابصير لانو القديمة بتضرب الجديدة
السوال التالت الراوتر بيتحمل لل 15 فولط
بس جيب دارة فصل وبتوصل عليها طرنس الراوتر ومدخل البطارية وبقلبها منظم جهد
اولا مصروف الراوتر بين ال0.5 أمبير و ال 1 أمبير اذا 12 فولت
ثانيا فترة الشحن على الاغلب ساعة واحدة والشاحن ماكس 3 امبير بس في كتير معطيات ممكن ما يعطي 3 امبير بشكل كامل
فخلال ساعة ممكن يشحن فقط 2 أمبير وهال2 أمبير لح تكفي الراوتر بين ال ساعتين و 3 ساعات
ثانيا
أفضل ما تركب بطاريتين كل و حدة 7 امبير وهدول حقهم بحدود ال 90 الف اذا اصليات ومافي منهم أصليات وبدك تجيب شاحن 5 امبير و سعره يمكن شي 20 الف وبدك دارة تحافظ عالجهد وبدك و بدك
في شي اسمه باور بانك للراوتر سعره بال90 ألف فيو شاحن و بطاريات ليثيوم وعمرهم اطول من عمر البطاريات الجافة ال7 امبير
وبتوفر بسعرهم
وحجمه أصغر
وأفضل ماركة منه هي مارفل بتلاقيه عند الأوائل او الهندسية وما بعرف حاليا شو موجود عندهم ماركات تانية
الديود الي حاططو بشيل 0.7 من الفولط و لبطارية صغيرة رح تفرق منيح معك
اذا البطارية ٦ ونص امبير “رصاص”
مارح تعطيك ال٦ ونص