لطالما كان الإجهـاض هو صرخـة حُـزن عميق لكل أُم خسـرت جنينها .. لكن ماذا لو كان الإجهـاض بشكل صامـت !
✔️- الإجهـاض الصامـت أو الإجهـاض المنسـي !
هي حالة بمـوت فيهـا الجنيـن داخل الرحم و بتبقى المشيمة والأنسجة الجنينية داخل الرحم دون ظهـور أعـراض واضحة للإجهاض كما العادة !
✔️- و جاءت تسمية الإجهاض المنسي بالإجهاض الصامت لأنو الإجهاض غالباً ما بيترافق مع أي أعراض واضحة متل ما بيحدث بالإجهاض الطبيعي لما الرحم بيلفظ محتوى الحمل .. لكن هون الرحم بينساهن و ما بتحدث تقلصـات عضليـة ولا نـزف !
✅- طيب إذا الإجهاض عم يكون بدون أعراض .. كيف ممكن الحامـل تعرف فيه !
✨ أحد المؤشرات هو غياب أعراض الحمل بشكـل مُفاجـىء ؛ متل غثيان الصباح و الوهن العام ..
✨ وهون بدنا ننتبـه أنو مو كل غياب للأعراض هو إجهاض صامت .. فكمان مع تقـدم عُمـر الحمـل الأعراض بتخف !
✨ و ببعض الأوقات بتستمر هي الأعراض رغم الإجهـاض ؛ لأنو ممكن تستمر المشيمـة بالنمو و تستمر هرمونات الحمل بنشاطها مُسببة أعراض الحمل رغم مـوت الجنيـن .
✨ و بحالات نادرة ؛ ممكن تظهر مفرزات مهبليـة بنيـة اللون .
✅ – يا ترى ليش بيحدث الإجهـاض الصـامت ؟!
لحد الآن الأسبـاب مو واضحـة بشكل دقيق ؛ لكن في عدة احتمالات مُرجحـة مطروحة !
✨ بالفترة الواقعة بين الأسبوع السادس و الأسبوع العاشر من الحمل ؛ ممكن يتوقف الجنين عن النمو و يموت !
✨ و يُرجح الأمر لخلل في عدد صبغيـات الجنين مما يمنع تطور خلايا وأعضاء الجنين لتصبح طبيعية وكاملة .
✨ مُشكلات برحم الأم نفسه و وجود تشوهات فيه .
✨ إصابة الأُم بأحد أمـراض المناعـة الذاتيـة أو كونها مُدخنـة شرهـة .
✅- أما تشخيـص الحالـة بكون بالطرق التالية :
✨ فحص الأشعة بالموجـات فـوق الصوتيـة ( الإيكو ) لمراقبة الجنين و فحص نبـض الجنيـن .
✨ فحص مستويات هرمونات الحمل بدم الحامل.
✅- وختامـاً بعد تشخيص الإجهاض الصامت ممكن تتم بعض الإجراءات لتسهيل خروج الانسجة الحملية من جسم المرأة عن طريق :
✨ إعطاءها أدويـة خاصـة تُساعد على زيادة تقلصات الرحم لإخراج الأجزاء العالقة .
✨ عمليـة جراحيـة للتخلص من الأنسجة المُتبقية ؛ مع التنويــه إلى أنو في أكثـر من ثـلثي حالات الإجهاض الصامت بتم فيها تمرير البقايا إلى المهبل بشكل طبيعي دون تدخل أو مضاعفات .
الرحم من النـادر ينسى قطعة من قلبك موجود بقلبه .. لهيك طمني بالك أنه حالة نادرة و عند أي تغير أو ألم غير طبيعي لا تتردي بطلب استشارة الطبيب ❤
🖋- إعـداد : الدكتـورة ميار صالح
🖋- المصـدر العلمي : https://2u.pw/TmGob
مـنظمة ميـددوز ~ مـصدرك الـموثـوق للـمعلومـة الطبيـة 🛡
(ميددوز)