يوميات طبيب أسنان
اليوم واجهنا واحده من أغرب الظواهر يلي ممكن نشوفها بطب الأسنان ..
⛔مريضة وقعت التلبيسه تبعها , بيوم الجمعة و بحكم أن أغلب الدكاترة بتكون بإجازة هل اليوم
مريضتنا الغاليه قررت تألصق هل التلبيسة على السن باستخدام الألتيكو
⛔تماما الإلتيكو ماغيره , نفسه يلي خطر ببالك ..
⛔من الصدمه فكرت حالي سمعت غلط و سرحت بفكري على كل مواد الإلصاق يلي مرت معي بفترة دراستي لأتأكد من وجود هي الماده العظيمه للألصاق
⛔لما شافتني المريضة سكتت شوي
تشجعت و ناولتني هل الاصق من شنتايتها و عم تمدحلي فيه أن ثبت التلبيسه و ماعم تحس بوجع
⛔و طلبت بس أن من باب الاطمئنان نفك التلبيسة و نألصقها بلماده الطبيه المخصصة
بعد عدة مناورات من محاولات الفك مره على اليمين و مره على الشمال و بكل الأدوات يلي موجوده ضمن العيادة و بلمي و بالحرارة و بالقوة و بل اللطف ما طلع التاج من مكانه ولا تحرك نتفه
⛔ المريضة خلص اقتنعت أن التاج مثبت مكانه و أن ما حيصير شي و ماقبلت نقص التاج و نعمل واحد جديد كرمال نخلص من هل الماده المؤذيه ضمن الفم قررت تتركه هيك و تروح على البيت …
⛔أنت مفكر أن ما حيصير شي ما ؟ و عادي ما ؟
⛔إي رجعت المريضة بالتهاب بي اللثة و آلم بل السن و انتهى الأمر بقص التاج و سحب عصب للسن و المراقبة …
⛔و المريضه اقتنعت أن لا يمكن نألصق السن بل المواد الموجودة ضمن البيت و لازم نراجع الطبيب هو يستخدم الماده المناسبة
كان معكم د.رامه جبري
ميددوز ~ مصدرك للمعلومات الطبية الموثوقة .
مواضيع صحة الاسنان والفم