في تساؤل مهم عند كتير من الاشخاص .. وهو تساؤل صحيح و منطقي و نحنا معه و مندعمه .
التساؤل هو ” ليش ظهور المرض عم يكون وقت المدرسة بالوقت لي كل الصيف ما انسمع حسه ” .
هون الجواب فيه نقطتين :
✔النقطة الاولى :
الحديث عن الفير.و.س عم تكون مرتبطة بالاحصائيات … يعني المنحني كان ثابت و تعداد الاصابات خفيف … ولكن وقت بدأ يرتفع كان من واجبنا نحكي انو بلش يرتفع مشان نستعد
تخيلو انو يرتفع العدد تبع الاصابات و نحنا ما نخبر حدا …
و يصير يرتفع بشكل مضاعف و نضل ما نخبر حدا ..
متخيلن كيف النتائج رح تكون ؟!
بالمحصلة نحنا عم ننقل عدة نقاط :
1- الوضع عالمياً كيف عم يتحول
2- أعداد الاصابات ضمن سوريا
3- الاسرة ضمن اقسام العناية … و فعلا هلق الاسرّة بعدة مشافي صارت ممتلئة للأسف .. !
الكلام هو نقل للواقع مو مجرد آراء شخصية
الاراء الشخصية ممنوعة و ليس لها قيمة
✔ النقطة التانية :
طيب شو سبب ارتفاعها المفاجئ ؟! بصراحة هون الجواب الدقيق ما واضح بس فينا نحكي انو الاصابات بدول العالم الها فترة عم ترتفع … و بعدها دول الجوار الها فترة عم ترتفع كمان ..
السلالات لي عم تنتقل من مكان لمكان يبدو انها عم تستغرق هاد الوقت ..
و منأكد ان الموضوع مازال بحاجة بحث و ما منقدر نجزم بجوابه.
الشي المهم لي لازم ناكد عليه
ضرورة التط.ـعـ.يم ؛ و بنفس الوقت الوضع الصعب بيفرض علينا الاستمرار بالعمل و اي حديث عن اغلاق او تاجيل هو كلام صعب نحنا مو معه .
نحنا كــ “ميددوز ” معكن بكل خطوة
و بكل قدراتنا معكن و بكل الطاقة لي بيعطينا ياها رب العالمين
ميددوز
(ميددوز)
ليش متوفر عنا التعطيم ؟؟
❤❤❤
الشخص المطعم عم يعدي غيرو ليش؟؟