1️⃣ فيك تسجل صوت الدكتور بالمحاضرة (بعد ما تاخد الأذن منو) مشان وقت ترجع تكتبهن وتنقلهن عالدفتر، بس للأسف رح تسجل بس ما رح تنقلهن عالدفتر لا تسألني ليش بكرى لحالك بتعرف….
لهيك يفضل تكتب ورا الدكتور💔
2️⃣وقت بدك تتصور صور شخصية مشان الجامعة قلو يسحبلك ١٦ الصورة مو يسحبلك بس ٨ لأنو البركة لو الجامعة بدها تتبناك ما بتطلب هيك صور🤦♂️
3️⃣خلي الصور اللي بدك تتصورهن مشان الجامعة حلوة مو ضروري تستعجل متل صورة الهوية💔
لأنو الصورة رح يحطولك ياها عبطاقة الجامعة وتضل معك ٤ او ٥ سنين (قابلة للتمديد)
4️⃣ لا ترتبط بحدا من دفعتك، إذا ارتبطت بشي وحدة ما بتحس إلا صرت حديث عكل لسان ورفقاتك ما بنادولك غير يا بتاع واسم حبيبتك، ونفس الشي أنتِ كمان💔
5️⃣خود سندويش معك هالجامعة عادي جداً لأنو إذا بدك تفطر وتاكل وتشرب بالجامعة ما بطولوا أهلك ليتبروا منك والبركة الأسعار صايرة سياحية، لهيك يفضل كمان ما تشتري شي من قلب الجامعة أحيانا الأسعار بتكون دبل عن برا يلي هي بالأصل دبل عن غير مكان🙂💔
6️⃣ لا تتعربطوا بالمصنف الأخضر بهالأسبوع لأنو تثبيت التسجيل بدو أسبوع وأكتر ليبلش ومنخبركن وقت يبلش💓💓
7️⃣ هي تبع أنك تتمسخر عشي حدا بالجامعة سواء حكيو أو لبسو أو تصرفاتو أو أي شي، هي حركات طلاب صف أول وتاني 🚶♂️
8️⃣ إذا حدا سألك شو عنا بعدين أو البرنامج أو إذا معك قلم وما شابه مو تحمري وتخضري وتصفري كأنو طلب أيدك 😁
9️⃣ أخيراً وأهم شي، احترم معتقدات جميع الأشخاص بالجامعة، يعني مو ضروري إذا بتسلم أنت باليد لازم كل طلاب الجامعة يسلموا عليك باليد، ومو ضروري إذا أنت ما بتصلي وحدا سألك وين في مكان للصلاة تتمسخر أو تعطي ردة فعل غريبة، أو إذا بنت ما بتحكي مع شباب يعني متعقدة أو شي، هي الشغلات هي شغلات طبيعية جداً وأنت لازم تحترمها وتقدرها ❤
يتبع…
(بعدين منكمللكن النصائح) …🏃♂️
طبعا هي مو مسخرة والله بس نصائح بغير طريقة
ضياء ناصيف
Deaa Naseef