1️⃣إذا شفت الطلاب عم تطلع من المدرج او القاعة بوقت المحاضرة لا تجرب تقوم انت وتطلع وخاصة إذا منحوس لأنو فجأة بوقفك الدكتو وبيعملك مثل للدفعة الحالية والدفعات الجاي🙂💔
2️⃣اتفق مع رفيقك أنك تشوفو بالمدرج لأنو إذا رح تتفقوا تشوفوا بعض قدام باب المدرج غالبا ما رح يقلك أنو شو رأيك بلا هالمحاضرة ويلعب بعقلك متل الوسواس وبالأخير انت متل الجدبة بتقلو معك حق ما عم نستفيد (لكن لييش جايين من الصبح)
3️⃣ لا تسأل للدكتور إذا بجيب أسئلة دورات أو تقلو عنجد أسئلتك سهلة أو دكتور عنجد مافي داعي نحضر (مشان ما يعملوك دفعتك دورات وتطلع بث مباشر بكروب الدفعة💔)
4️⃣ يرضالي على اسمك إذا حبيت وحدة من الجامعة مو تقضيها ماسك إيدها بالكلية مو ناقصنا نحن🚶♂️🚶♂️
5️⃣إذا طالع مع رفيقتك برا الكلية وشفت ولاد أو حدا معو وردة جاي لعندك بعد عنها شوي ( لأنو فجأة بتشوف الدعاوي بانو الله يزوجك ياها والله يرزقكن الخلفة الصالحة وما شابه🙂)
6️⃣مو يعني إذا لبس نظارات بكون نيرد، وإذا مشقشقة تيابو بكون صايع وإذا بتمشي مع نص الدفعة بتكون فيفي عبدو الدفعة
في استثناءات لك روحي🚶♂️🚶♂️
7️⃣ لا تنزل معك مصاري كتير عالجامعة لانو البركة بدها مصروف اكتر من عيلة وقد ما نزلت معك رح ترجع بدالهن🙂💔
8️⃣زبطي حنكك وجلسي مشيتك وخففي مكياج الله يوفقك وينجحك بأعلى المعدلات يعني مو ناقصني أجي الساعة ٨ الصبح مشان شوف مكياج عليه طالبة جامعة أو كعب سبعطش سم او وحدة عم تحكي لهجة فغنسية ….
وأنت كمان خبي باكيت الكينت (اللي حاطت فيه حمرا قديمة) وبرضو زبط حنكك وأحكي بلهجتك عادي يعني يرضالي عاسمك، كمان مو ناقصنا نشوف واحد ماشي وحامل باكيت كينت وفوقو الجوال وجوال تاني ما بيشتغل وعم يحكي اسع هييك
هي جامعة متلك متل غييرك تمامااا
صحيح نسيت شغلة
9️⃣ ارجع اقرأ رقم تلاتة 💔
بكرى منكمل🏃♂️🏃♂️
البوستات مو مسخرة والله بس هيك مشان يكون بالحسبان💚
ضياء ناصيف
Deaa Naseef