نصائح كتبها الاستاذ محمد عمار مرزوق لطلاب الجامعات من خلال تجربته..
مع بداية الدوام بالجامعات خلينا نقدم شوية نصائح للسنافر من تجربتنا 😃
1- كون عفوي بتكون أحلى.
2- أوعى تداوم وأنت لابس نظارات أم المية 😎
3- تعلم وأنت بالجامعة 📖
4- لا تلعب دور تامر حسني وتقعد تخطط تتزوج قبل ما تعمل النقطة رقم 5 🚫
5- خطط تتخرج أفضل من زملائك 💪
6- في مكان سري بالجامعة حاول تكتشفه اسمو المكتبة📚
7- موبايلك هو شغلة لقضاء أمورك ولو كان عادي لا تستحي فيه والموبايل ما بيعكس شخصيتك 📱
8- أواعيك ما بتعكس شخصيتك 👕
9- ارجع اقرأ النقطة رقم 4 وخليها حلقة بأذنك 😜
10- إذا كان مصروفك قليل مو عيب ولا حرام، وتذكر سندويشة أمك أطيب من كل أكل الجامعة 😋
11- جرّب ما تستخدم مزيل عرق؛ لحتى تعرف صديقك الحقيقي اللي رح يضل جنبك وقتها 😌
12- انس النقطة السابقة كنت عم أمزح، واستخدم مزيل عرق، وكون صاحب حقيقي ورح تلاقي صحاب حقيقيين 😂
13- مو كل وحدة طللعت عليك بالغلط معناها معجبة فيك! يمكن مشبهة عليك أخوها الصغير 😂
14- قصة ممكن صور دفترك؛ هي كانت قبل اختراع التلفونات 😒
15- صلِّي، أحلى شي تتذكر أنك تصلي وأنت بالجامعة 😍
16- دير بالك تنسى تتوضى 😂
17- لحتى تنجح قدامك طريقين: يا بتدرس، يا بتشفلك واسطة 😪
18- الواسطة حرام 😜
19- دكتورك دائماً على حق حتى لو غلطان، حاول تفهمه صح. (أهم شي هي نقطة 😂)
20- لو تأكدت أنو غلطان 100% دير بالك تحكيلو (برجع بقلك أهم شي هالنقطة وعن تجربة عم حاكيك 😂)
21- اشتغل بعد الدوام إذا لاقيت؛ لأنه الشغل مو عيب، وحاول تطبق النقطة رقم 22.
22- اعزم صحابك 😉
23- دير بالك تطلب دفترها؛ رح تفكرك طلبت إيدها 😂
24- كرر النقطة رقم 22 بس مرة وحدة بالفصل؛ بلا ما يتعودوا 😂
25- صدقني بتشبه أخوها لا يروح بالك لبعيد 😜
26- قد ما قدرت رفاع معدلك ↗️
الله يوفقكم جميعاً سنافرنا الرايقين يلي مبارح كنتوا بكالوريا
دفعة ٢٠٢١