هلو مامي هييي معدتك هي أنا آسف حنط للجهة التانية مثانتك هي آسف مرة تانية كمان

👶🏻 هلو مامي هييي معدتك هي أنا آسف حنط للجهة التانية 🤸 مثانتك هي آسف مرة تانية 💃 كمان ضهرك طيب شو هالملعب السيء ضيق المساحة هاد 😒 بس يلا بما أنك عم تمطريلنا شوكولا رح أهدى واقعد احكيلك عن رفساتي الحلوين ❤️

👶🏻 نبلشلك بالأخبار العاجلة والحديثة قال يلي بيرفس كتير بيطلع دماغو متطور وبشكل خاص جهازو الحسي فشكلي حأطلع محسحس غير شكل 😋 ما بعرف شو حيفيدني لبعدين لو عرفت ملمس الحرير من المعدن أكتر من غيري 🥴 بس هيك الله كاتبلك يبعتلك ولد عبقري حس ❤️

👶🏻 تاني شي أنا برفساتي هي بكون عم ألعب رياضة لهيك بس أجي حتشوفي عضلاتي كيف قوية وكيف رح أتشبث بالببرونة ومصادر الطعام الأخرى 😌

👶🏻 تالت شي وقت برفس استجابةً لفرح مني بس تاكلي شي أكلة طيبة أو غضب من كلام بابا وقت يتأفف ويقلك من وين بدي لاقيلك بوظة بنص الليل كل المحلات سكروا فهاد بيعني أنو دماغي عم ينمو ويتطور وأني أنا بخير والحمدلله ❤️

👶🏻 غالباً بتبلشي تحسي بهالنشاط الحلو عالأسبوع ال15 وممكن أبكر بالتاسع أو العاشر بس بيتوضح أكتر بالتلت التاني من حملك وبالتلت الأخير بيقلب من رفسات لتقلب أكتر بتنامي عاليمين بقلب عاليسار .. بتنامي عاليسار بقلب عاليمين المهم ما خليكي تعرفي تنامي 💃

👶🏻 كتير ممكن كون عم ارفس وخبط وخرب الدني وأنتِ لا حس ولا خبر هيك من الله أنا وأنتِ سليمين بس الإحساس عندك عدم 😂💔

👶🏻 تعالي خبرك شي مهم الك ولكل الماميات القلقات ما في أي دليل علمي مؤكد أنو الجنين يلي ما بيتحرك يعني عندو مشكلة أو رح يولد ميت بعيد الشر بعيد الشر ولا في دليل أنو الحرك كتير رح يولد سليم أكيد .. فالتأكد بيجي عند الدكتورة والضروري انصح فيه بس تحسي أنو تغيرت حركات ابنك فجأة وقلت أو انعدمت روحي اطمني ❤️ بس مو لأنو جارتك قالتلك انا حسيت فيه من أول ما حملت وييه معقول فيه شي يلي عندك هي عم تخرف تركيها وروحي طعميني بيتزا أشرفلنا 😋

شغليلنا جنوا نطوا خليني ارفس عالأغنية أحلى 🤸💃

وبحبك ❤️

كنت معكم سَماح صالح محمد ♥️

المصدر بالتعليقات

كان يا مكان الطب 💙