هل تعلم ؟ بتعرفوا أني كبيبي وقت بضحك ما بكون عم بضحك لا عل

هل تعلم ؟
👶🏻 بتعرفوا أني كبيبي وقت بضحك ما بكون عم بضحك لا على حركاتكن المجنونة ولا على لغاتكن الخنفشارية ؟

👶🏻 أنا حدا جاية جديد عهالدني ، مسطّل 😂🤦🏻‍♀️ وما بعرف حدا وصعب عليي افهم حدا فأنتَ كوجه جديد عليي بتمنى افهمك .. كيف ؟

بالتفاعل معك 💁🏻‍♀️ كيف ؟

بضحكلك وتضل تعمل حركات لتضحكني وهيك حتى احفظك وأتسلى وحس حالي مو وحيد 😅

مو بالضرورة أبداً لا تعملي حركات كوميدية ولا تنطوط قدامي ولا تعبيني كركرة 🙄 مجرد اهتمام بسيط وضل حسك عم تحكي معي هاد كفيل يضحكني 🥰

وعفكرة أنا من أول شهر شهرين ببتسم لكل اهتمام بحس فيه ولأنو ماما أكتر شخص بالدنيا بيحبني وبيهتم فيي فهيي أول وحدة بتلاحظ ابتسامتي ❤️ الضحك والصهصنة هدول بعملن بعد الشهرين ..

بس التفاعل مع الكل من أول ثانية وأول كف بسلقاه من الدكتور وببكي بعدو مو لأني أكلت كف ، بس الدكتور طلع عم يحكي سوري يا ماما 🥲💔

كنتوا بتعرفوا هالشي بسيكولوجية الطفل ونفسيتو ؟

صباحكم ابتسامة الأطفال البريئة الغامضة ❤️

كنت معكم سَماح صالح محمد ♥️

(سماعة حكيم)