هل جرحي يحتاج لخياطة كلياتنا تعرضنا لجروح أو إصابات سواء ب

📌هل جرحي يحتاج لخياطة⁉️⁉️😨

📌كلياتنا تعرضنا لجروح أو إصابات سواء بالبيت أو بالشغل🪚🪓
متل الجروح بالسكين.✂️

لكن الحمد لله أغلبها بتكون بسيطة ومابتحتاج تداخل طبي

📌طيب كيف بحدد إذا كان الجرح بسيط أو بيحتاج لخياطة عند طبيب أو بالمشفى⁉️

📌هاد الشي بيعتمد على عدة عوامل⬅️

1️⃣ حجم الجرح 📏📐

🔺️الجرح غالبا بيحتاج لخياطة إذا كان:
✅ إذا كان أطول أو أعمق من ١.٥ سم
✅إذا كان عميق بحيث يظهر النسيج الشحمي أو العضلات أو العظم
✅إذا كان عريض أو مفتوح كالحفرة

2️⃣كمية وغزارة النزف

🔺️الجرح بيحتاج لخياطة إذا كان ينزف بغزارة ولم يتوقف النزف بعد عشر دقائق من تطبيق الضغط على الجرح.
✅لأنه ممكن يدل على قطع شريان.

3️⃣موقع الجرح 🦵💪

🔺️الجرح بيحتاج خياطة غالبا إذا كان فوق مفصل وخاصة إذا كان بيفتح عند حركة المفصل
🔺️الجروح بالمناطق التناسلية والمناطق الهامة جماليا كالوجه يحب تقييمها أيضا من قبل الطبيب
🔺️الجروح على منطقة الأجفان كمان يجب بالتاكيد تقييمها من قبل طبيب لأن الالتئام الخاطئ ممكن يسبب مشاكل عينية

📌العناية بالجروح البسيطة بالمنزل 🤛😨‼️

🔺️بعد ماحكينا عالجروح يلي بتحتاج خياطة🪡

🔺️هلأ رح نحكي عالجروح البسيطة
يلي مابدها خياطة وكيف نعتني فيها 💜

📌بحال حدوث جرح سواء بسكين أو زجاج مكسور أو أي اداة حادة منتبع الإرشادات التالية: 👇👇

1️⃣ أول شي منعمله منغسل اليدين بالماء والصابون🚿

2️⃣غسل مكان الجرح لحتى نمنع الانتان والالتهاب
بماء بارد أو فاتر 🚿 وباستخدام صابونة لطيفة🧼
ومنحاول نزيل الأوساخ والحطام عن الجرح

3️⃣منطبق ضغط على الجرح لحتى نوقف النزف
باستخدام محرمة نظيفة أو قطعة شاش 🧻🧻

🔺️منستمر بالضغط تقريبا لمدة دقيقة أو دقيقتين أو حتى يتوقف النزف

4️⃣تطبيق الفازلين على الجرح 😁 اي فازلين لا تستغربوا
بس طبعا فازلين طبي بدون عطور أو رائحة

💡الفكرة أنه الفازلين بيخلي الجرح رطب وهالشي بيسرع الشفاء
ومنضل نستخدمه باستمرار حتى شفاء الجرح

❌❌مافي داعي ❌❌ لاستخدام أي صاد حيوي متل فوسيدات او جنتامايسين أو غيرن

🕶كمان اكييد ياريت ما نحط قهوة ☕ أو نشا و و 😒😒😒
ياريت نترك هي المواد للأكل وبس 😋

هي المواد تطبيقها عالجرح رح يزيييد من احتمال التهاب الجرح 😐🤨

5️⃣تغطية الجرح بلصاقة نظيفة 🩹
بتحمي الجرح وبتمنعه أنه يرجع يفتح
طبعا لازم نغيرها يوميا (مو لزقة وحدة حتى الشفاء 🤣)

6️⃣لو في ألم من الجرح ممكن ناخد مسكنات متل السيتامول

7️⃣بحال كان الجرح بأداة ملوثة أو صدئة ⚒
وكانت آخر جرعة من لقاح الكزاز من أكتر من ٥ سنوات
لازم ناخد جرعة داعمة من لقاح الكزاز💉

💜شفاء الجروح البسيطة غالبا بيحتاج لأسبوع أو أقل

✅💡ملاحظة
🔺️بحال لاحظت تورم أو احمرار أو ألم أو قيح بالجرح 😨

🔺️هالعلامات بتدل على انتان
ولازم نراجع الطبيب لتلقي العلاج المناسب

د سراب شيخ حمدو
اختصاصية بالأمراض الجلدية والتجميل

💜إذا في أي اسئلة اكتبولي بالتعليقات وانشالله بجاوب عليها 👇

(سماعة حكيم)