مو لابقلها..
ماحلو..
ليش عملت هيك بحالها؟
بالحقيقة أنا ما شفت بالصورة مظهر.. بغض النظر إن كان حلو أو مو حلو..
و إنما شفت حُطام عاطفي كبير.. بعد فراقها عن زوجها.. وشفت شخص قوي، عم يحاول يوقف لأن ما بحب يبقى ضعيف..
شخص حلو كتير من جوا..
ليش الأُنثى بتقص شعرها حتى ترجع قوية؟
عموماً، الإنسان يأخذ قوته مما يراهُ الآخرون جميلاً به.. و الأُنثى خاصة.. بتحميها طاقة الحب.. و الاعتراف بالأشياء الجميلة يلي عندها.. وبتبني خطوات كبيرة ومستقبلة على هي المحبة..
لهيك وقت توقع.. بصير السلم كلو غلط..
والبناء هَشّ..
لهيك بتلجأ لبداية جديدة.. وتضحيات قوية ( ممكن تكون بشعرها، بالسفر، بشي خايفة تعملو من زمان) حتى تكون على أرض صَلبة..
ياريت لو نوقف عن رؤية الجمال المادي للأُنثى..
الإصرار حلو.. و القوة حلوة.. و الثقة.. و بأنها حابة توقف لحالها حلو كتير…
وشيرين حلوة كتير❤️
فرانسوا داراني
انتو شو رأيكم بهالقرار ⁉️
(سماعة حكيم)
ماحدا بيستاهل نأذي نفسنا ولا روحنا كرمالو
الله يساعدها
إذا هالشي بريحا اي بس ملحدا بيستاهل يعمل بحالو هيك وبالنهاية هالشي قرارا
كيف ما كانت بحبها ❤❤❤
ليكون قملت
هشاشة روحها وشخصيتها لاتقف الحياة بفقدان انسان لايستحق هي بهذا التصرف تتحدا ذاتها الضعيفة
لازم نقول أديش توجعت وعانت وانقهرت
المفترض قص الشعر لتغير نفسيتا مو هيك عالصفر.. الظاهر الاذى النفسي قااسي كتير لتخطي هيك خطوة
شيرين شخصية مهزوزة وسريعة بإتخاذ القرار الفاشل غالباً دون تأني أو تفكير…بحبا وزعلت عليها..مو هيك المرأة بتبين قوية
برافو عليها .. صنعت من الضعف قوة بذاتها .. وصلت رسالة للكل أنو رح ترجع لبداية جديدة وترجع تعيش مو ناطرة رجل يحييها ..
وقص الشعر للمرأة صعب كتير مو سهل تاخد هالقرار ❤️❤️❤️
كل حدا حر بشكلو وبحياتو ومابحق لاي انسان ينتقد او يقيم الشي لعملو كل مين ادرى بالشي لبيعملو
حتى لو كانت ضعيفه مو عيب الإنسان يضعف ويزعل ويعبر عن زعلو بالنهاية رح ترجع قويه وتتخطاها لهالمرحله الأنسان لازم يعبر عن كل مشاعرو مابصير يخبي شي بقلبو كرمال يبين انو بطل الحياة يوم حلو ويوم مر ويوم زعل ويوم فرح ويوم ضعف ويوم قوه ولازم نعيش كلشي
حلوة والاحلى صوتا وناااايس ع روعه الكلام❤❤
غلط…
اول ظهور لحسام جوزا وين كان؟
كان بلاستيديو وهوا عم يكفي اعمالو !
ليش هيي اختارت تظهر بهلمظهر هاد ؟؟؟
طبعا الهدف من المنشور نشوف الآراء ورح نحكي عن الإكتئاب مابعد الصدمة
صح
بتوقع لان حسام كان معجب بشعرها… قصته انتقام
الصراحة الرسالة قوية وقاسية وبيستاهلها
بالمختصر اغلى شي ع قلب الانثى شعرها متل ما قدرت تستغني عن شعرها بإرادتها
قادرة ترمي حب حياتها
الانثى جبارة لما تنجرح
ولما ما يتقدر حبها وعواطفها لدرجة انها قادرة تدعس ع قلبها وترمي كلشي وراها …
نشالله تتخطى هي المرحلة اللي أكيد كانت صعبة عليها وبالنسبة لشعرا هاد كان قرار بخصا ووقت ساوت هيك ما عملت استبيان لتعرف آراء الكل …
ما بعرف كمية التفاهة اللي بتخلي حدا يتمسخر ع شخص مجروح او مكسور ..
بتجنن
كل حدا حر بشكلو وبحياتو إذا هيي شايفة قص شعرا بيعطيا قوة ف هاد رأيا وقرارا
بالنهاية الطلاق شي صعب وهي مرحلة قاسية عليا الله يكون بعونا وتطلع من هالفترة بخير ❤️❤️
حلوة شيرين كيف ما كنتي تكوني
كلام فارغ..
لما مسكت المراية..شوشافت تغير شي فيا!!
الدنيا صارت سهلة مثلا !بلعكس لماشافت الدنيا ماتغيرت رح تنكسر اكتر…
هاد غباء ليس اكثر
الله يكون معا ويعطيها القوة هيي وكل انسان مكسور يارب
كلام بيكبر القلب كل وقوف هو فعلاً محاولة
أنا بحسه ضعف مو قوة
أحيانآ الإنسان هوي بحب يغير بحالو ويطلع من كل شي عايشو حلو التجديد سوءآ كان ضعف أو قوة المهم يعمل الشي اللي بريحو وبحسن مزاجو ويخليه يحب حالو لان هوي صنيع نفسو …
هاد اسمو تظاهر بالقوة وليس قوة حقيقية …القوة انو الانسان يعيش كل مرحلة من حياتو صح ويعيش مشاعرو صح مالو مجبر ينفي وجود فترات ضعف وبنفس الوقت مافي داعي يظهر ضعفو جنب حدا
بيقدر يبعد فترة عن الناس لتمر هالازمة وبعدها يكفي حياتو عادي بأحلام جديدة وطريق جديد
عم تتخلص من كل شي بتاخف تخسرو حتى تقوى اكترر واكتر وتقسى ومايعود يهمها شي
صح هذا السبب والناس تناولت الموضوع بتنمر وسخرية مايصير هيشذ ما احترموا طريقتها بتخطي الصدمة
هالموضوع بدو وعي و تقبل و احترام الشخص الآخر . و التعاطف أهم شي .
بس لما بتشوف ردة فعل جماعة الفيسبوك بتنصدم من كمية المهزلة و السخرية و التنمر
هي حرة بقرارها….بس ما في حدا بيستاهل عاقب حالي كرمالو إلا إذا كنت مخطئة بحقو.
من اراد الابتعاد عنك فساعده على ذلك فهو لا يستحق التمسك به
انا ما شفت الا الزعل بعيونها
اذا هيي معتبرة هالخطوة دليل قوة فامافينا نحكم عاطريقة تعبيرها عن قوتها لأنو بالنهاية نحنا طباع مختلفة وشخصيات مختلفة وكل واحد بيعبر عن ضعفه وقوته بطرق هوي بشوفها صحيحة بالنسبة ألو
شكلها عم تقلد أصالة هذاكل الموضوع
خطوة كثير حلوة لأن لما الأنثى تحلق شعرها بتكون عم تحاول توصل رسالة أنها قوية وقادرة تستغني عن أشياء غالية بالنسبة الها ولما طلعت بهاللوك أكيد مو ناطرة رأي حدا هي طالعة تثبت لحالها أولا وأخيرا أنها حلوة وقوية
ما حدا بستاهل نعمل بحالنا هيك كرمالو
كرمال حدا تركنا وكمل من دون ايا احساس بالذنب
صح بوقت الاكتئاب صعب نفكر بالشي الصح يلي لازم نعملو بس لازم نضل نحاول نكون قويين من دون ايا تغير ع شكلنا او من دون ايا اذى
بالنهاية هاد شي برجع لكل شخص وقدرتو ع التعامل مع الموقف…يمكن هيا هيك قدرت تتخطى هالشي
رغم برايي هاد شي من الضعف…ولحتى تحسس الطرف الاخر بالذنب تجاهها
هلأ شو دخل الشعر ؟؟
مابتوقع الها فائدة قصة الشعر
كتير امور وقصص وصدمات مريت فيها ولا مرة قصيت شعري او فكرت فيها …
قصيتو مرة لإنعجابي ب موديل ما او تغير لوك مثلا