وااع يا ماما وااع وهي انقطع الحبل السري بيناتنا وشكلو صارت

👶🏼 وااع يا ماما وااع 😭 وهي انقطع الحبل السري بيناتنا وشكلو صارت القصة جد وصرت على حكي زملائي الأكبر مني أني رح بلش حرك تمي وأتعب لأشفط الحليب منك 😪 يعني أيام التنبلة وقلة المروة والأكل عالجاهز ولّت يا حسرتي !

⁦👶🏼⁩ أنتِ كماما جديدة شايفك من هلق كيف متوترة وفايتة بالحيط وعم تجربي فيي 😂💔⁦ تفادياً لهالشي تعالي أحكيلك وعلمك كيف نعتني بالحبل السري يلي قطعوه وحطوا فيه هاللقاطة 🤭

⁦👶🏼⁩ أول شي نعرف معلومة أنو هالحبل هاد بينزل لحالو من حالو خلال أسبوع ل3 أسابيع بعد الولادة وأكتر شي بهمنا فيه يا ماما نحميه ونحافظ عليه حتى ما يلتهب وانأذى أنا .

⁦👶🏼⁩ المهم فيه أنو يضل جاف لهيك وقت بدك تنضفيه بتغسلي أيديكي كتير منيح .. منمسحو بمحلول فيه كلورهيكسدين وما تحطيه جوا الحفوضة ما قلتلك بدنا ياه جاف ومعرض للهوا ⁦👌🏻⁩

⁦👶🏼⁩ حتى لو حسيتي أنو الحبل السري يبس يا ماما لا تشديه ولا تقطعيه .. بينزل لحالو ⁦❤️⁩
انتبهي عليه لو طالع منو قيح ، ريحة بشعة ، في احمرار ، تورم ، حرارة عليي أو أنا تعبان .. هون لعند الدكتور فوراً .

⁦👶🏼⁩ عادي الحبل السري ينزف شوي قبل ما ينزل بس هالنزف لازم يوقف فوراً .. لو حسيتيه ما عم يوقف استشيري دكتور كمان .

⁦👶🏼⁩ بيناتنا ماما هالشغل كلو شغل التيتا غالباً بس أنا عم أفترض أنك أنتِ لحالك وحابة تعرفي شو الصح لتعمليه وبالأخير كذب العلم والطب لا تصدقي ما في حبل سري بينقطع بيناتنا .. رح ضل قلبي عم ينبض ماما ⁦❤️⁩ ماما يلي ضحّت وتعبت وماتت وعاشت حتى عيش أنا حتى كون منيح وضل منيح ..

بحبك يا ماما ⁦❤️⁩

كنت معكم سَماح صالح محمد ♥️

(سماعة حكيم)