وبصير يبكيني شتي أيلـول السيدة فيروز لما غنت هالغنية كانت

وبصير يبكيني شتي أيلـول 💛🍁

السيدة فيروز لما غنت هالغنية كانت عم تلمح عن شي اسمو الاضطراب العاطفي الموسمي🧐

بس يا ترى شو علاقة أيلول بالحزن ؟! 😢
وليش هاد الشهر دوناً عن غيره؟

🍁لجاوب عن هاد السؤال رح احكي عن شي اسمو اكتئاب الشتاء🌨 أو الاضطراب العاطفي الموسمي💔
هاد النوع من الاكتئاب بصير بسبب :
تغير فصول السنة ، وغالباً بيبدأ مع بداية الخريف وهيك لانتهاء الشتاء 💁🏻‍♀️.

🍁طيب شو الأعراض يلي ممكن تصير:

0️⃣ لو مهتم كنت عرفت لحالك🌚😁‼️

1️⃣ شعور دائم بالحزن كل يوم وطول اليوم ☹️.

2️⃣الشعور باليأس وانعدام الثقة بالذات 🥺.

3️⃣مشاكل واضطراب بالنوم🥱.

4️⃣النوم لفترات مبالغ بطولها😴 .

5️⃣الحساسية المفرطة(مو حساسية جسم) حساسية نفسية🙂 ؛والزعل ع ابسط الاشياء😢 وتنكيش المشاكل متل
(أنت من شي أسبوع قلتلي اوك براحتك!! شو كان قصدك فيها!!☹️)

6️⃣الشعور بالتعب 😰؛ انخفاض مستوى الطاقة وما في مروّة لتعمل شي 🚶🏻‍♀️.

7️⃣تغيرات بالشهية ؛ وزيادة الوزن🌚.(هي الزيادة فعّالة عنا بكل الأوقات🙂)

خلصوا …لا لسا ضيفولي هي:
8️⃣الشعور بخيانة الشريك الك على الرغم من أنك سنغل للعضم🙂😂

🍁شو الأسباب يا ترى:

تغير الساعةالبيولوجية ⏱:

وهاد الشي بسبب طول الليل وقصر النهار خلال الخريف والشتاء ؛ وبالتالي اضطراب الساعة البيولوجية ومنها الشعور بالاكتئاب .

⬇️انخفاض مستويات السيروتونين :
وهو أحد هرمونات السعادة ، واللي إلو دور مهم بالحالة المزاجية.

⬆️زيادة إفراز هرمون الميلاتونين :
بسبب زيادة عدد ساعات الليل ؛ وزيادته بتأدي إلى الخمول وقلة النشاط .

🍁شو ممكن يكون العلاج :

المشاركة بالنشاطات الاجتماعية 👨‍👩‍👦‍👦؛ مثل التطوع والأعمال الخيرية لأنها بتعطينا مشاعر الرضا والسعادة من مساعدة الناس 😌💜

☀️التعرض لضوء الشمس وخصوصاً في فترات الصباح
وممارسة الرياضة بالأماكن المفتوحة ، متل المشي وقيادة الدراجة .🚴🏻‍♀️

وفي حال عدم الشعور بالتحسن ؛ وقتها لازم نراجع الطبيب النفسي ليوصف الدواء مناسب ،بناءً على الحالة.

🍁الوقاية :
فتح الستائر والسماح للشمس إنها تفوت لبيوتنا 🌞 .
وبعدو عن المحبطين والنكديين وحاولو ما تتاثروا فيهن و رافقوا السعيدين المبتهجين أمثالي😂🌚
وللموسيقا نصيب من تعديل المزاج.. وخصوصاً الأغاني المفرفشة💃( متل عيش بشوقك لتامر حسني مثلاً😂)

صراحةً شكلو الخريف إلو نصيب عنا طول السنة !!!🌚🙂 يلا ما علينا 😂
هلق بنهاية المقال بحب قلكن و طمنكن انو هاد مجرد اكتئاب موسمي بيجي مع الخريف 🍂 يعني بكرى منخلص من الخريف ومنرجع للاكتئاب العادي يلي كنّا متعودين عليه🌚😂
…🍂كل أيلول و أنتوا بألف خير 🍂…

كل السلامة و الحب الكن 🌸💜
تضلوا بخير دائماً 🌸💜

د.نور الهدى عبدالله الحلاق

(سماعة حكيم)