السلام عليكم و عذرا عالإطالة سلفا
انا ركبت محرك انفرتر لبراد البوظة وجبت بطارية جل ٧٥ أمبير ليكسو فيتنامية و شاحن شور ٢٠ أمبير و عندي انفرتر شور قديم ٢٠٠٠ واط عم شغل والأمور تمام بس الكهربا ساعتين وصل و أربعة قطع ماعم تلحق تشحن البطارية عم اضطر شغل مولدة ومصروف بنزين انتوا أدرى فيه
شب نصحني جيب شاحن ٣٠ امبير قالولي بتضرب البطارية شب تاني قلي جيب لوح طاقة ١٨٠ ومنظم شحن pwm وشب تالت قلي جيب لوح ٤٧٠ واط ومنظم شحن mptt بيشغل البراد وبيشحن البطارية بنفس الوقت ياريت تفيدوني كتير اتدايقت من تعدد الآراء و يلي عندو فكرة عن الأسعار ينورنا و شكرا جزيلا
حسب مصرياتك
لوح 200 ومنظم pwm بكفيها نهاراً لوحدها بدون اي حمل تاني .. لوحين بصير فيك تشحن البطارية برياحة.
يفضل بكل الاحوال تركب منظمmppt علوح او لوحين 200 لانو رح يعطيك 30% زيادة امبير شحن ..
والافضل من كل هدول لوح455 ومنظمmppt بتشغلها بالنهار وبتشحن البطارية ومعها شاشه ليد ورسيفر وشاحن جوال .
ملاحظة : شاحن الشور مو نصيحة عبطارية عليها القيمة وخاصة الحيل لانو بيعطي غالباً فولت شحن اكتر من الفولت المحدد للبطارية..اذا ركبت الواح فصلو بالنهار الالواخ شحنها مستقر اكتر وافضل..فيك توصلو بالليل بس
اخي البطارية مسمحلك تشحن لحد 20 %
يعني لبطاريتك 15امبير كافي
اذا شاحن 20 حديث فانت عم تشحن 13a تقريبا لان مانو 20
فعلي
بالنسبة للوح الطاقة اكيد احسن بس الشغلة بترجع لمصرياتك وفي حل وسطي لوح طاقة مباشر 12 مابدو منظم بيعطي 4a
مصروف برادك اخي بين ١٦ لل ١٧ امبير عل بطارية
يعني بطاريتك بتشيلك بحدود اربع ساعات
لوح ٢٠٠ واط اكتر استطاعة بيعطيك ياها بعد وصلو على كونترول pwm هية ٧ ونص امبير
يعني بهل حالة لسعتك عم تسحب من البطارية شي ١٠ امبير
يلي بغطي هل حمل تبعك لوح بين ٤٥٠ لل ٤٧٠ واط مع كونترول mppt حصرا
واذا بدك تحسبها صح ركب ال mppt سعر لوح ال ٢٠٠ شي ٨٥٠ الف
وبدك عليهن كونترول حقو شي ١٩٠ الف بيرجعو عليك تقريبا شي مليون و٨٩٠ لوحين شو حيعطول امبير
بحدود ١٥ امبير
هل حكي عن تجربة منظومه ال pwm سيئة جدا
بينما لوح ٤٥٠ او ٤٧٠ بيعطيك بين ال ٢٠ لل ٢٥ امبير