يا دكتور بكون قاعدة فجأة وبحس قلبي عم ينفض نفض!! أنا موظفة

يا دكتور بكون قاعدة فجأة وبحس قلبي عم ينفض نفض!!

أنا موظفة عمري ٣٣ سنة: بفيق الصبح مأحلاني، بشرب فنجان قهوتي الكبير كالعادة بالوظيفة 😅 وبعدها بيبلش قلبي يتسرع وحس بضربات مالها متتظمة عم تضرب ضرب بصدري ونخزات قوية 🥺🥺🥺

مرات بضطر لوقف المراجعين وسكر الشباك من هالخفقة لي عم تجيني وبسمع المسبات من الناس عم تجي عليي من برا 😔😔 بس ما حدا عرفان وجعي وليش هيك 😣

شو سبب هالضربات الشاذة لي بقلبي ليش هيك بيخفق فجأة يا دكتور؟ وشو الحل حتى ارجع طبيعية؟

لو منعمل تخطيط قلب لهالصبية رح نشوف شي اسمو الضربات المهاجرة أو خوارج الانقباض

خوارج الانقباض حالة شائعة كتير لدرجة أنو لو منراقب تخطيط القلب لمدة ٢٤ ساعة رح نلاقي أكتر من ٧٠% من البشر عندهم خوارج انقباض.

المفروض ما تأثر عالشخص ولا تسبب هالشعور المزعج لي شفناه بالقصة إلا إزا تجاوظ عددها ١٠% من عدد دقات القلب الكلي باليوم ( ويللي هوو ١٠٥ آلاف ضربة يومياً 😅😅😅)

شو أسباب زيادة خوارج الانقباض ؟
باختصار فينا نقول كل ما يزيد التعصيب والقلق والتوتر لأنو القلب بياخد الأوامر بعدد الدقات من الدماغ، فحالة التوتر والقلق الدائم تبعث من الدماغ إيعازات تؤيد القلب لزيادة عدد دقاته.

بعض الأسباب بالتفصيل:
⭐ السهر لوقت متأخر
🌟 تناول المشروبات المنبهة بكثرة كالقهوة والشاي والمتة.
🌟 التفكير الدائم بضغوطات الحياة ومشاكل العمل والالتزامات العائلية والمهنية.
🌟 الرض النفسي الحاد كحادثة وفاة أو انفصال أو كشف خيانة.
🌟 عند بعض مرضى تشنج الكولون قد يكون هناك ارتباط بين الوجبة الطعامية وحدوث الخوارج بسبب ارتباط المعدة والقلب بعصب واحد يدعى العصب المجهول، فإن تمدد المعدة بعد الطعام يحرض هذا العصب وتحدث بعض الخوارج القلبية.

نركز بالعلاج على حذف الأسباب المؤدية فهو أفضل علاج رغم صعوبته وخصوصاً للمدمنين غلى القهوة😅

بحال وجود انزعاج شديد يمكن إعطاء بعض الأدوية المنظمة لفعالية القلب.

كل الأمنيات للجميع بقلب ينبض بالحب والحياة والصحة 🌷

د. سومر شلبي Somar shalaby.

(سماعة حكيم)