يعطيكم العافية
أولا مشكور كتير استاذ منذر على هذا الغروب الرائع
ثانيا عندي استفسار بخصوص شودير أو حراء لتسخين المياه عوضاً عن القاظان
الاستغفار هو أنو الحراء بيشتغل كهربا ومازوت مع بعض
هل يوجد سحب كبير للكهرباء أثناء تشغيل الحراء على الاميرات
الاستفار الثاني في أحد الأشخاص قلي في حراء على الغاز
كمان بيشتغل غاز وكهرباء مع بعض
ارجو المساعده لو سمحتم
أو ازا حدا عندو طريقة بديلة للماء الساخن في الشتاء مع مراعاة ظروف الكهرباء والمحروقات
آسف على الإطالة ومشكورين سلفاً
الحراق يستهلك حوالي 100 واط أي نصف أمبير
الحراق ما بيسحب كهربا كتير بس شي أنو تدور المروحة تبعو
انا عندي واحد عم أسخن علي
بس بدك تفصلو قاعدة محترمة ما بيشتغل معك شلون ما كان
متل ما تفضل الاستاذ منذر
بس الفكرة الاهم ان الحراق بيعطيك ماء ساخن بحدود ال10 الى 15 دقيقة
يعني مابيصرف كهربا
صرف المازوت حسب حجم الحراق ونوعه
قديم او حديث بيفرق مصروفه
القديم ممكن يصرف واحد لتر بساعة التشغيل الكامله
الحديث مصروفه اقل من لتر
لكن يحتاج الى قنينه سميكة وعوامل امان اذا بدك تطبقه على ايدك