يوميات طبيب اسنان
قاعدة بعيادتي عم احتسي القهوة مثل جماعة المثقفين عأساس منشان روق لانو على موعد مع طفل صغير جديد عالعيادة😊
واذ بيدخل الفارس الصغير اجر لورا واجر لقدام وامو تدفشو لقدام وهوي يرجع اربع خطوات لورا فعرفت انو رح تكون ليلتنا مطنطنة🙆🙆
⭕بعد فترة من حبيبي وياعيوني ويابطل فتح تمو الصبي وفحصنا وطلع بحاجة لبتر لب لواحد من سنانو
⭕فعرفت المساعدة انو لازم تجهز ابرة تخدير وانا عم الهي الصبي وحاول خلي يتآلف مع جو العيادة
ما منلاقي غير دبت لوليييييي بالعيادة سمع صداها ابو الطب الاول بقبرو وكملت كل هي الابرة بدكن تغزوها لابني😲😲😲
⭕طبعا الصبي هوي يركض ونحنا نركض والحمدلله اخر شي لحقنا بالصومال وبعد اكثر من ساعة لقدرنا نرجع نهدي ونقوم بمعالجتنا
⭕لهيك بصفتك مرافق لطفل لازم تكون مساعد للدكتور بعملو مو تزيد من خوف الطفل وبالاخص بجملتنا المعهودة اذا ما سكتت رح غزك ابرة 😊
♥️كنت معكن انا الدكتورة نغم ابو فخر
♥️بيومياات طبيب اسنان مطووش 😂
ميددوز ~ مصدرك للمعلومات الطبية الموثوقة
مواضيع صحة الاسنان والفم